Gennep
From Wikipedia, the free encyclopedia
Gennep is ne stad en gemeente in de Nederlandse prevensie Limburg en hef ne oppervlakte van 58,37 km² (woarvan 1,60 km² water). De stad Gennep ligt op den saomenlöp van de revieren de Maas en den Niers.
| Gemaente Gennep | ||
 |  | |
| (Vlagge van Gennep) | (Waopen van Gennep) | |
 Lokatie van de gemeante Gennep | ||
| Informasie | ||
| Proveensie | Limburg | |
| Heufdplaatse | Gennep | |
| Geografie en bevolking | ||
| Öppervlakte - Laand - Water | 58,37 km² 56,77 km² 1,60 km² | |
| Inwonners Bevolkingsdichtheid | 16.827 (1 juli 2006) 296 inw./km² | |
| Koordinaten | 51° 41′ N, 5° 58′ O | |
| Aoverig | ||
| Belangrieke verkeersaoders | Maas, A77, N271 | |
| Netnummer | 0485 | |
| Postkode | 6590-6599 | |
| Offisiële webstie www.gennep.nl | ||
Darpen en karnen
- Gennep
- Heijen; Diekendelle en Smele.
- Milsbekke;
- Ottersem; Aoldonk en Den Looi.
- Ven-Zelderheide; Dam, Hekkens en Zelder.
Geskiedenis
Gennep kump van et Keltischen 'Ganapja'. Et verwis doarmet noar de plaatse van Gennep: plaatse woar 2 wateren soamenkomt, den Maas en den Niers. Op nen deurwoadboaren plaatse op dizzen plek kwamen zowal nen noord-zudeleken as ne oost-westeleken weg van de Romeinen samen.
Noa den Tweede Wereldkrieg blek dat under de (olde) karke al n holten karkjen van rundumme 750 estoan hef. Ondanks nen groten stadsbraand op et ende van de 16de eeuwe dee alle gegaevens hieroaver verneetegden, mot Gennep al veur 1371 heure stadsrechten verworven hebben. De stad telden zo'n 750 inwonners en was deur 3 poorten te betraeden; de Zandpoorte, de Nierspoorte en de Maaspoorte dee as leste in 1820 of-ebrokken wodden. De stad kenden geen groten greuj, veurnoamelek deur de strategiese ligging van 't noabi-j-elegen Genneperhuus, woardeur veule moalen verskillenden gröppen buutenlaandse soldoaten Gennep bezetten. Et staedjen was in teggenstelling tot et kasteel onverdaedigboar, veurnoamelek deur den ofbraak van et stadskasteel dat zo'n betjen op de plaatse van de Sint-Martinuskarke van vandage estoan mot hebben.
De stad hef vaak onder n ander bestuur estoan: Kleefs (1441), Pruusies (1609), Fraans (1794), Nederlaands (1815), Belgies (1830) en wier Nederlaands (1839).
Vanof 1540 vlöchten prottestanten noar Gennep, op den vloch veur de Spanjoarden. Deurdat Gennep in den 16de en 17de eeuwe neet tot de Republiek beheurden, wierd hier in 1660 ne Nederduuts Gereformeerde karke ebouwd uut eigen middelen. Dit in teggenstelling tot de völle andere prottestantsen karken van veur 1660. Deurgoans wodden ne katholieke karke 'hervormd' en deur de prottestanten in gebruuk enommen. In t Pruusiese Gennep was dit onmeugelek, woardeur Gennep heden ten dage de oldste, uut eigen middelen betaalde, prottestantse karke op heur boadem hef stoan. De karke is Nederlaands Hervormd en ligt noast t stadhuus dat noa den groten stadsbraand van 1597 deur Van Bommel ebouwd wodden. Ok 's-Heerenbarg en Venlo hebt n stadhuus van zien hand. De oavereenkumste tussen dee dree stadhuze bunt dudelek zichtboar.
Bezeensweerdig
- Oldste huus van Gennep met pinakelgaevel uut rundumme 1525
- Martinustoorn uut 1869 en bi-jbeheurend karkhof
- 17de eeuwse stadhuus met Keramiekmuseum
- Eerste prottestantse karke op Nederlaands groandgebeed uut 1663
- Museum Het Petershuis, in laat-gotiesen bouwstiel
- Sint Martinuskarke en museum Kijk-je kerk-kunst
- Middeleeuwse stadsmure en stadspark
- Beltmölle Den Reus uut 1848
Uutgoande verwiezingen
| Provinsie Limburg |  | ||
|---|---|---|---|
|
Wikiwand - on
Seamless Wikipedia browsing. On steroids.