N Ham

n Ham (sprek oet: nnám, Hollaands: Den Ham) is n breenkdoarp in de gemeante Tweanteraand, op ongevear 15 km op t noordwestn van Almelo en har per 1 jannewoari 2006 5804 inwonners. Terwiel at t doarp zik rechtevoort op Tweante richet, is t van vroger oet n Sallaands doarp, wat ook te heurn is in öare sproake.

Töt an 1 juli 2001 heurdn n Ham en Vroomshoop bie mekoar in de gemeente n Ham. In 2001 wör t bie t Vjenne in eliefd, mear n joar later in 2002 in de gemeente Tweanteraand.

Geskiedenisse

Al in 1333 wör n Ham vuur t eerst (as karspel) eneumd in ne leenakte van n Hear van Egede.

t Midln van t oolde esdoarp is n breenk, met doarnöast t euldste bouwsel: nen in gotiesn stiel ebouwdn toorn van de Hervörmde Koarke (tusken ongevear 1325 en 1425 ebouwd). Töt deepe in t 19e joarhonderd deedn de leu oet n Ham vuural boern: völle vee- en akkerboern. Töt an ongevear 1830 was t in n Ham gin vetpot. Det wör wat better noa de industriële revolusie.

Rechtevoort wont dr in n Ham vuural protestaantn. Mear nog neet zo heel lange leedn steund n Ham neet bekeand um öaregeleuvigheaid, en de umwonnden neumdn t zelfs n Goddeloozn Ham. in t Gebeed van de vuurmoalige gemeente n Ham hef de Gerefformeerde Boondsgemeente 3300 leedn en de Gerefformeerde Koarke 1600, op n inwonnertal van ongevear 15.000.

Toew at n Ham bie t Venne köm beheuld n Ham eerst zin eegne gemeentehoes. Noa de inliewige in de Tweanteraand is disn dr achterhen edoan.

Bereikboarheaid

n Ham kö'j neet makkelik komn. Neet met t Openbaar Vervoer mear met n auto ook neet. Vuur t doarp hen löp de N341 Eerde-Vroomshoop, nen 80-weage den at bekeand steet as ene van de meuiste weagn van Neerlaand. Vanof n Ham löp disse weage noar t westn op Omn (vuurbie Laandgood Eerde) an en noar t oostn op Vroomshoop, Westerhoar-Vjensewieke, woer at'e oeteaindelik bie Kloosterhoar oetkeump. Wat Openbaar Vervoer angeet kö'j allene in n Ham komn met de busse: liene 81 (Ommen-Larcom - Ommen NS - Den Ham - Westerhaar) en liene 594 (n Ham - Nijverdal)

Bekeande leu oet n Ham

• Marloes de Boer (30 januwoari 1982, anvoorster van t Neerlaands Vrouwleuvoetbalelftal en t Vrouwleu-elftal van FC Tweante, geboorn in n Ham)
• Sanne Nijhof (20 oktober 1987, wun t eerste seizoen van Holland's Next Top Model, wont in n Ham)

Mooi um te weetn

Alle joarn hebt ze in n Ham t Historisch Schouwspel, woerbie at de geskiedenisse van t doarp en de strekke wordt noa espöld duur ongevear 130 man in historiese kleare.

Oetgoande verbeendige

• Kaarte van de vrogere gemeente in 1868
• Informasie oawer n Ham en Vroomshoop

	Plaatsn in de gemeente Tweanteraand
	Broenehaar · De Pölle · Hallerhook · n Ham · Linde · Meer · Magel · Noord-Meer · Vjenne · Vjensewieke · Vroomshoop · Weitemanslaanden · Westerhaar · Westerhoevn Oaveriessel · Steden en dörpen in Oaveriessel      Nederlaand · Previncies · Gemientes