Nevada
From Wikipedia, the free encyclopedia
Remove ads
Nevada (sprek oet: ne-VAA-daa) is n stoat in t westn van de Verenigde Stoaten van Amerika. Nevada is n zeuwnde-meest oet estrekten stoat, n 35sten wat bevolkingsantal angeet, en n neegnden dunstbevolkten stoat. t Is n grötsten stoat van de VS den't nit an Kanada, Mexiko of nen oseaan greanst. Tweedoarde van t volk van Nevada wont in de agglomerasie van Las Vegas[1], woerbinn de dree grötste steadn lignt.[2] De heuwdstad van Nevada is Carson Stad.
 |
Zie Nevada (duurverwiesziede) vuur aandere betekenissen van Nevada. |
Nevada's laandskop is vuurnamelik weuste en löag, en t meeste ligt in ne Grote Komme. Gebeedn op t zuudn van de Grote Komme lignt in de Mojaveweuste, terwiel at t Tahoemear en de Sierra Nevadaboargen op de westelike raand lignt. Zowat 86% van t stoatsgebeed heurt an de Regearing van de VS oonder verskeaidene ofdelings, zowal oonder börgerzaakn as t leager.[3]
n Naam Nevada is of eleaidt van de Sierra Nevadaboargen, wat "Besneejden Boargketn" beteeknt in t Spaans. t Laand wat oonder n hudigen stoat vaalt, heurdn vroger too an de Indiaannvolker de Paiute, Sjosjone en Washoestämme, vuur at de Europeaann t innömn.[4] t Wör opeesket duur t Spaanse Riek as deel van t Alta California töt at n Mexikaansen Onofhaankelikheaidsoorlog zorgen at t bie Mexiko köm. De VS kreeg t in t behear in 1848 noa de weenst in de Mexikaans-Amerikaansen Oorlog en t wör doarop indeeld bie t Utahgebeed in 1850. Doo't dr in 1859 zilver wör eveundn bie Comstock Lode, treukn dr machtig völle leu hen woernoa t Nevadagebeed van Utah wör of esplitst in 1861. Op n 31sten oktober 1864 voogn zik Nevada as 36sten stoat bie de Verenigde Stoatn.[5]
Doo't vaste wör elegd at gokn legaal was en de regels vuur trouwn en skeaidn versoepeld wördn in t 20ste joarhoonderd, kömn dr nen machtigen hoop toeristn op n stoat of.[6][7] De meeste leu oet Nevada woarket nog aait in de toeristnsektor[8], woerbie't de mienbouw op ne gode tweede plaatse keump in de ekonomie van Nevada, umdet t de veerdegrötste gooldproduseant is van de wearld.[9]
Nevada's bienaam is offisjeel "n Zilverstoat", umdet zilver aait belangriek hef ewest in de geskiedenis en ekonomie van n stoat.
Remove ads
Oetgoande Koppeling
Verwiezings
Wikiwand - on
Seamless Wikipedia browsing. On steroids.
Remove ads