Oostlaauwers Frais

t Oostlaauwers Frais of gewoon Oost Frais (in t Selterfrais: Aast-Fräisk) is n Fraise toal dij proat wuir in t haile gebied tuzzen Laauwers en Ems. De benoamen Oost Frais mout nait verward worden mit Oostfrais, wat t Oostfrais Leegsaksisch aanduudt. Noudoags wordt der allend in de Duutse gemainte Selterlaand nog Oostlaauwers Frais proat, woardeur t overbliefsel ook wel Selterfrais nuimd wordt.

t Vrougere toalgebied van t Oostlaauwers Frais; de rode lien is de schaaiden tuzzen t Ems- en t Wezerfrais, môr ook tuzzen de tegenswoordege dialekten Grunnegs-Oostfrais en Oldenbörgs

Toalgebied

t Wuir sproken tuzzen de rivieren de Laauwers en de Wezer. t Gong om volgende gebieden:

• de Grunneger Ommelaanden en t Oldambt^[1]
• de regio Oostfraislaand
• t Oldenbörger Fraislaand, tegenswoordeg Fraislaand (distrikt)
• t olde gebied Rüstringen
• t laand Würsten