नाइल खुसि

नाइल खुसि ( कप्टिक भासय् ⲫⲓⲁⲣⲟ, लुगांदा भासय् किइरा, न्युबियन भासय् Áman Dawū) उत्तरपूर्वी अफ्रिकाय् दूगु छगू ऐतिहासिक खुसि ख। थ्व खुसि अफ्रिका महाद्वीपया दकलय् ताःहाकःगु खुसि व हलिंया दकलय् ताःहाकःगु खुसि नं खः। छुं विज्ञतेसं धाःसा थ्व खुसियात अमेजन खुसि स्वया चिहाकःगु खुसि धकाः धयातःगु नं दु। नाइल खुसिया हाकः लगभग ६,६५० किमि (४,१३० माइल) दु। थुकिया लः ११गू देसय् थ्यं। थ्व खुसिया लः थ्यनीगु थाय्यात नाइल बेसिन वा नाइल स्वनिगः नं धाइगु या। नाइल बेसिनय् दूगु देय् थ्व कथं दु: तान्जानिया, युगान्दा, रुवान्दा, बुरुन्दि, कङ्गो लोकतान्त्रिक गणराज्य, केन्या, इथियोपिया, इरित्रिया, दक्षिण सुदान, सुदान, व मिस्र। नाइल खुसि मिस्र व सूडानय् लःया मू स्रोत खः। मिस्र थःगु सिंचाई व त्वनिगु लःया निंतिं नाइल खुसिइ निर्भर दु।

नाइल
River
नाइल खुसि बाहावनिगु थाय्तेगु बँकिपा नाइल खुसि बाहावनिगु थाय्तेगु बँकिपा
Countries	इथियोपिया, सुदान, मिस्र, युगान्दा, लोकतान्त्रिक गणतन्त्र कङ्गो, केन्या, तानजानिया, रुवान्दा, बुरुन्दि, दक्षिण सुदान
Cities	Jinja, Juba, Khartoum, Cairo
Primary source	White Nile
- elevation	२,७०० m (८,८५८ ft)
- coordinates	02°16′56″S 029°19′53″E
Secondary source	Blue Nile
- location	Lake Tana, Ethiopia
- coordinates	12°02′09″N 037°15′53″E
Source confluence	near Khartoum
Mouth
- location	Mediterranean Sea
- elevation	० m (० ft)
- coordinates	30°10′N 031°06′E [1]
Length	६,६५० km (४,१३२ mi)
Width	२.८ km (२ mi)
Basin	३,४००,००० km² (१,३१२,७४७ sq mi)
Discharge
- average	२,८३० m³/s (९९,९४१ cu ft/s)
[2]

नाइल खुसि तुयु नाइल व वचुगु नाइलया संगमं दूगु खुसि खः। तुयु नाइल नाइल खुसिया छगू मू स्रोत जुसां वचुगु नाइल खुसिं थ्व खुसिया अधिकांश लः वइ। तुयु नाइल वचु नाइल स्वया ताःहाकः व थ्व खुसि मध्य अफ्रीकाया ग्रेट लेक्स क्षेत्रं उत्पत्ति जुइ। तुयु नाइलया दकलय् ताःपाःगु खुसिचाय् मतभेद दु। थुकिया उत्पत्ति अतः रुवान्दा वा बुरुन्दिइ ला। तुयु नाइल तान्जानिया , भिक्तोरिया ताल, युगान्दा व दक्षिण सुदान जुसें उत्तरय् बाहावनि। वचु नाइल इथियोपियाय् ताना तालं शुरु जुया दक्षिण-पूर्वं सुदानय् बाहावनि। तुयुव वचु नाइल खुसि सुदानया राजधानी खार्तूमया उत्तरय् संगम जुइ। नाइल खुसि सुदानी मरुभूमिं जुसें उत्तरय् मिस्र तक बाहावनि व नाइल देल्ताय् काइरो नगर जुसें बाहावनि। अनं, थ्व खुसि देमिएता व रोसेता नगर चिलाः भूमध्य-सागरय् बिलय जुइ। वर्तमान मिस्रया आपालं नगर थ्व हे नाइलया स्वनिगलय् ला।

नाइल खुसिया छगू प्राचीन ऐतिहासिक पृष्ठभूमि दु। हलिंया दकलय् पुलांगु तजिलजिइ छगू मिस्रया तजिलजि थ्व हे खुसिया सिथय् बुयावःगु ख। थ्व लहना ५,००० दँ स्वया नं पुलां। थ्व सभ्यता अधिकांश रुपय् (सुदानी साम्राज्यतेत त्वताः) प्राचीन कालं निसें हे थ्व खुसिइ निर्भर जु। थ्व खुसिया कारणं खुसिसिथय् बुँज्याया विकास जुलः। सुदान व मिस्रय् अथे जूगुलिं प्राचीन मिस्र व न्युबियन जीवनय् नाइलया बाहाःया यक्व महत्व दु। थ्व लहनां खुसिबाहाःयात धार्मिक अनुष्ठानत नाप स्वानातल। नापं खुसिबाहाः वइबिले नखः हनिगु चलन नं दयाच्वन। खुसिबाहाःया प्रति श्रद्धा क्यनेत इमिसं थ्व नखःया खँ थीथी शिलालेखय् च्वयातःगु दु। इस्लामी युगय् मिस्रया राज्यपालतेसं खुसिबाहायात लनेत "नाइलोमितर" दयेकल।

स्वयादिसँ

• खुसि

1. Template:GEOnet2
2. The Nile River. Nile Basin Initiative (2011). 1 February 2011 कथं।