Charles Gleyre
From Wikipedia, the free encyclopedia
From Wikipedia, the free encyclopedia
Marc Gabriel Charles Gleyre (2. mai 1806–5. mai 1874) var ein sveitsisk kunstmålar. Han underviste ei rekke yngre kunstnarar som nådde langt. Mellom dei fann ein Claude Monet, Auguste Renoir, Alfred Sisley og James McNeill Whistler.
Charles Gleyre | |
Sjølvportrett, 1841 | |
Statsborgarskap | Sveits, Frankrike |
Fødd | 2. mai 1806 Chevilly i Sveits |
Død |
5. mai 1874 (68 år) |
Yrke | kunstmålar |
Sjanger | historiemåleri, religiøst maleri |
Charles Gleyre på Commons |
Gleyre var frå Chevilly i kantonen Vaud. Foreldra hans døydde då han var åtte eller ni år gammal. Han vart oppseda av ein onkel i Lyon i Frankrike, som sende han til ein yrkesskule der i byen.
I slutten av tenåra reiste Gleyre til Paris, der han var i fire år og studerte kunst. Frå 1828 var han fire år i Italia i meditativ inaktivitet. Der vart han kjend med Horace Vernet og Louis-Leopold Robert. Dei neste seks åra deltok han som teiknar, illustratør på ei reise til mellom anna Malta, Hellas, Egypt, Nubia og Syria. I Libanon vart han svært febersjuk. Sidan vende han tilbake til Lyon med svekka helse.
Etter han avbraut turen til Orienten, kom Gleyre tilbake til Paris i 1838. Han etablerte eit lite atelier, og byrja varsamt å synleggjere ideane som sakte hadde forma seg i hugen hans. Gleyre møtte publikum då han i 1840 i stilte ut måleriet Johannes si openberring på øya Patmos. Måleriet var ein suksses, og praktisk talt opna hans kunstnariske livsveg. I 1843 kom hans andre suksess, måleriet Le Soir ('Kveld'). Motiv er frå Nilen, og viser ein poet, som frå elvebreidda «ser» sine ungdomsdraumar fare bort i form av ein båt. Biletet var seinare kalla for Tapte illusjonar.
Gleyre trakte seg meir eller mindre tilbake, og stilte sjeldan ut verk, siste gongen var i 1849. Han heldt fram med å måle religiøse, historiske og mytologiske bilete. I dei mytolgiske bileta knytte han saman romantisk stemning med eit strengt, antikt formspråk. Gleyre sine verk er elles prega av ein poetisk idealitet. I det heile var han ein idealist, som ikkje tok seg betalt for å undervise unge kunstnarar.
Han døydde brått i 1874 i Paris.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.