![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/18/OPN_Ska%25C5%2582a_R%25C4%2599kawica.jpg/640px-OPN_Ska%25C5%2582a_R%25C4%2599kawica.jpg&w=640&q=50)
Den polske jurakjeda
From Wikipedia, the free encyclopedia
Den polske jurakjeda, òg kalla Det polske jurahøglandet eller Kraków-Częstochowa jurahøglandet (polsk Jura Krakowsko-Częstochowska) er ein del av jurasystemet sør i sentrale delar av Polen. Det strekkjer seg mellom byane Kraków, Częstochowa og Wieluń. Den polske jurakjeda grensar til Karpatane i sør og høglandet sentralt i Polen i nord, mot Świętokrzyskiefjella.
![Thumb image](http://upload.wikimedia.org/wikipedia/commons/thumb/1/18/OPN_Ska%C5%82a_R%C4%99kawica.jpg/640px-OPN_Ska%C5%82a_R%C4%99kawica.jpg)
![Thumb image](http://upload.wikimedia.org/wikipedia/commons/thumb/e/e1/Polska_Olsztyn%28%C5%9Bl%C4%85skie%29_006.jpg/640px-Polska_Olsztyn%28%C5%9Bl%C4%85skie%29_006.jpg)
![Thumb image](http://upload.wikimedia.org/wikipedia/commons/thumb/8/8f/Maczuga_Herkulesa_1.jpg/640px-Maczuga_Herkulesa_1.jpg)
Den polske jurakjeda består hovudsakleg av eit åslendt landskap med kalksteinsberg, klipper, dalar og store kalksteinformasjonar frå juratida og 220 grotter. Det største landskapstrekket er eit peneplan dekt av mange inselberg, steinmassar som har motstått erosjon.[1] Den polske jurakjeda vert vitja av om lag 400 000 turistar kvart år. Delar av området høyrer til Ojcowski nasjonalpark, den minste av dei tjue nasjonalparkane i Polen, og eit av dei mest attraktive rekreasjonsområda i landet.[2]