![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4e/Georg_August_Wallin_%25281811-1852%2529%252C_Scandinavian_orientalist_and_explorer.jpg/640px-Georg_August_Wallin_%25281811-1852%2529%252C_Scandinavian_orientalist_and_explorer.jpg&w=640&q=50)
Georg August Wallin
From Wikipedia, the free encyclopedia
Georg August Wallin (på arabisk Abd al-Wali; 24. oktober 1811–23. oktober 1852) var ein finsk språkvitar og forskingsreisande.
Georg August Wallin | |||
![]() | |||
Fødd | 24. oktober 1811 Sund | ||
---|---|---|---|
Død | 23. oktober 1852 Helsingfors | ||
Nasjonalitet | Finland | ||
Yrke | oppdagar, lingvist, professor | ||
Institusjonar | Helsingfors universitet | ||
Alma mater | Helsingfors universitet Katedralskolan i Åbo |
Wallin var fødd i Sund på Åland. Han studerte orientalske språk, først i Helsingfors og sidan i St. Petersburg 1841–1842. Han fekk eit stipend for ei studiereise til Egypt 1843–1845, der han lærte seg arabisk. Wallin opptredde som muslimsk, russisk undersått frå Sentral-Asia for å kunna røra seg friare. Det er uklart om Wallin berre opptredde som muslim eller om han etter kvart òg omvende seg til islam. Frå Egypt gjorde han 1845–1849 tre reiser til Den arabiske halvøya, mellom anna Mekka, Palestina, Syria og Iran, der han gjorde geologiske og lingvistiske oppdagingar. I 1849 var han i London og presenterte Notes Taken During a Journey through Part of Northern Arabia in 1848 for Royal Geographical Society. Attende i Helsingfors vart Wallin professor i orientalske språk i 1851, men gjekk bort året etter uten å ha kunna publisera mykje av materialet sitt.
G. A. Wallins brev har vorte publisert av S. G. Elmgren, Knut Tallqvist, Jussi Aro og Armas Salonen. Skriftene hans i samling vart utgitt 2010–2017 av SLS og Bokforlaget Atlantis.[1]
Georg August Wallin ligg gravlagd i Gamla området på Sandudds begravningsplats i Helsingfors.