![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/07/Hina_Rabbani_Khar_Jan_2023.jpg/640px-Hina_Rabbani_Khar_Jan_2023.jpg&w=640&q=50)
Hina Rabbani Khar
pakistansk diplomat / From Wikipedia, the free encyclopedia
Hina Rabbani Khar (fødd 19. november 1977)[1] er ein pakistansk politikar, og var den fyrste kvinnelege utanriksministeren i Pakistan. Ho var også den yngste utanriksministeren i Pakistan nokonsinne i ein alder av 33 år.[2]
Hina Rabbani Khar | |||
![]() | |||
Fødd | حنا ربانی کھر 19. november 1977 (46 år) Multan | ||
---|---|---|---|
Statsborgar av | Pakistan | ||
Yrke | diplomat, politikar, gründer, samfunnsøkonom | ||
Utdanna ved | Lahore University of Management Sciences University of Massachusetts Amherst | ||
Far | Ghulam Noor Rabbani Khar | ||
Ektefelle | Firoze Gulzar | ||
Alle verv |
Khar kjem frå ein innverknadssrik, føydal familie i Multan. Ho studerte ved Lahore University of Management Sciences og University of Massachusetts Amherst før ho vart vald inn i nasjonalforsamlinga i 2002 som representant for partiet Pakistan Muslim League-Q (PML-Q) og vart juniorminister med ansvar for den økonomiske politikken i regjeringa til statsminister Shaukat Aziz. I 2009 vart Khar attvald til parlamentet, då som medlem av Pakistans folkeparti (PPP). Ho vart minister for statlege finansar og økonomiske saker, og den fyrste kvinnelege politikaren som la fram nasjonalbudsjettet.[3] I juli 2011 vart Khar utnemnd som utanriksminister av statsminister Yousaf Raza Gillani. Kort tid før 2013-valet trekte ho seg frå politikken,[4] men ho fortsette å jobbe for sterkare band til India.[5]
Khar er framleis medlem av PPP, og held føredrag om utanrikspolitikk.[6] I 2019 vart ho medlem av nasjonalforsamlinga igjen, denne gongen gjennom eit reservert sete for kvinner.