Kykladane
From Wikipedia, the free encyclopedia
Kykladane (gresk Κυκλάδες) er ei øygruppe i Hellas som ligg sentralt i Egearhavet. Ho ligg søraust for det greske fastlandet. Namnet refererer til øyane rundt (κυκλάς) den heilage øya Dílos.
Kykladane Νομός Κυκλάδων | |
---|---|
![]() | |
Periferiar | Dei sørlege egeiske øyane |
Hovudstad | Ermoúpoli |
Folketal | 119 549 (2005) Rangering 29. |
Areal | 2 572 km² |
Folketettleik | 46/km² |
Demer | 20 |
Kommunar | 11 |
Postnummer | 84x xx |
Retningsnummer | 228x0 |
Bilnummer | EM |
Heimeside | www.ncyclades.gr |
Kykladane består av om lag 220 øyar, og dei største av desse er Amorgós, Anafi, Ándros, Andíparos, Dílos, Íos, Kéa, Kímolos, Kýthnos, Mílos, Mýkonos, Náxos, Páros, Folégandros, Sérifos, Sífnos, Síkinos, Sýros, Tínos og Santoríni. Dei fleste av dei mindre øyane er ikkje busette.
Øygruppa var tidlegare eit prefektur i Hellas, men frå 2011 inngår Kykladane saman med Dodekanesane i periferien Dei sørlege egeiske øyane. Kykladane er delt inn i ni periferieiningar: Ándros, Tínos, Mýkonos, Sýros, Kéa-Kýthnos, Mílos, Náxos, Páros og Thíra.
Ermoúpoli på Sýros er hovudbyen i Kykladane og er det administrative senteret i periferien.
Øyane er toppar av undersjøiske fjell bortsett frå dei to vulkansk øyane Mílos og Santoríni (Thera). Klima et hovudsakleg tørt og mildt, men bortsett frå Náxos er ingen av dei særleg frodige. Innan jordbruk vert det produsert vin, frukt, kveite, olivenolje og tobakk.