Logroño

Logroño er ein by nord i Spania ved elva Ebro. Han er hovudstad i den autonome regionen La Rioja, tidlegare kalla provinsen Logroño.

Logroño
Flagget til Logroño Byvåpenet til Logroño
Plassering
Styresmakter
Land	Spania
Autonom region	La Rioja
Provins	La Rioja
Grunnlagd	1095
Borgarmeister	Tomás Santos
Geografi
Flatevidd  - By	79,57 km²
Innbyggjarar  - Totalt (2008)    - folketettleik	150 071   1 886 /km²
Koordinatar	42°27′N 2°26′W
Høgd over havet	384 moh
Diverse annan informasjon
Postnummer	26001-26009
Nettstad: www.logroño.org

Byen har kring 150 000 innbyggjarar og er handelssenter for Rioja-vinen, som området er kjent for. Her vert òg produsert tømmer, metall og tekstilar.

Geografi

Logroño ligg nord i regionen La Rioja, ved elva Ebro, 384 meter over havet. Camino de Santiago går gjennom byen. Byen ligg 152 km frå Bilbao, 336 km frå Madrid og 468 km frå Barcelona.

Historie

Puente de Piedra.

Logroño er ein gammal busetnad, først under romarane med namnet Vareia, og så av keltarar. Frå 900-talet kjempa Kongedømet Navarra og Kongedømet Castila om byen. Regionen vart til slutt annektert av Castilla. Alfonso VI av Castilla gav Logroño byrettar i 1095 som fungerte som modell for andre spanske byar. I 1609 og 1610 var Logroño hovudsete for inkvisisjonen, der påståtte baskiske heksar vart brende.

Bakgrunnsstoff

Wikimedia Commons har multimedia som gjeld: Logroño

• Offisiell side

Kjelder

• Denne artikkelen bygger på «Logroño» frå Wikipedia på engelsk, den 4. november 2009.