Shrivenham

Shrivenham er ein stor landsby i grevskapet Oxfordshire i England. Landsbyen ligg like ved grensa til Wiltshire, og låg fram til endringane av grevskapsgrensne i 1974 i Berkshire. Landsbyen ligg i den sørvestre delen av Oxfordshire som kallast Vale of White Horse, ved landevegen A420 mellom Swindon (12 km unna) og Faringdon. Vidare mot nordaust ligg Oxford (24 km unna). Shrivenham har 2352 innbyggjarar (2001) og består hovudsakleg av typisk engelsk landsbybygg.

Shrivenham
St Andrew's soknekyrkje St Andrew's soknekyrkje
Plassering
Styresmakter
Land	Storbritannia
Konstituerande land	England
Grevskap	Oxfordshire
Distrikt	Vale of White Horse
Geografi
Innbyggjarar  - By (2001)	2 352
Koordinatar	51°36′N 1°40′W
Diverse annan informasjon
Postnummer	SN6
Telefon-retningsnummer	01793
Commons har multimedium som gjeld: Shrivenham

Det britiske forsvaret

Mellom Shrivenham og nabolandsbyen i nord, Watchfield, ligg den store militærbasen som huser det britiske Forsvarsakademiet (Defence Academy of the United Kingdom). Den militære aktiviteten starta med eit amerikansk militæruniversitet under andre verdskrigen, medan det britiske forsvaret overtok staden i 1946. Dei største avdelingane i forsvarsakademiet er den felles stabsskulen (Joint Services Command and Staff College, JSCSC) og Defence College of Management and Technolog (DCMT). Sistnemnte har røter tilbake til 1772 og vert sidan 1984 drive i samarbeid med Cranfield University.

Beckett gods

Shriveham har tradisjonelt husa Beckett gods, som var sete for Barrington-familien. Hovudbygningen ved godset, Beckett Hall, er no sete for leiarutdanning ved Forsvarsakademiet.

Kjelder

• Denne artikkelen bygger på «Shrivenham» frå Wikipedia på bokmål, den 18. juli 2011.

Bakgrunnsstoff

• Shrivenhamsamfunnet si heimeside Arkivert 2008-03-17 ved Wayback Machine. (engelsk)
• Markets Towns Arkivert 2007-09-30 ved Wayback Machine. (engelsk)
• Historiske Shrivenham (engelsk)
• Shrivenham Park Golf Club (engelsk)
• Amerikansk militærhistorie i Shrivenham (engelsk)
• Defence College of Management and Technology/Cranfield University
• Det britiske forsvarsakademiet