![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/39/Sunflower_Seeds_Kaldari.jpg/640px-Sunflower_Seeds_Kaldari.jpg&w=640&q=50)
Solsikkefrø
From Wikipedia, the free encyclopedia
Solsikkefrø er frøa til solsikke (Helianthus annuus). Dei kan brukast som mat og ingrediens og til å pressa solsikkeolje frå. Eit heilt solsikkefrø med skal er eigentleg ei frukt der frøet er omslutta av ein fruktvegg eller perikarp. Frøa er opptil 1,65 cm lange. Store frø blir gjerne brukte til mat, medan mindre frø typisk blir brukte til å vinna ut olje.[1]
![Thumb image](http://upload.wikimedia.org/wikipedia/commons/thumb/3/39/Sunflower_Seeds_Kaldari.jpg/640px-Sunflower_Seeds_Kaldari.jpg)
Det finst tre typar solsikkefrø som er i vanleg bruk. Den vanlegaste typen har høgt innhald av linolsyre, ein annan har høgt innhald av oljesyre, og den siste er frø som blir nytta til å vinna ut solsikkeolje. Kvar variant har eigne innhald av einumetta, umetta og fleirumetta feitt. Informasjonen i denne artikkelen tek hovudsakleg for seg linolsyre-forma.
![Thumb image](http://upload.wikimedia.org/wikipedia/commons/thumb/d/df/Sunflower_seeds._img_010.jpg/640px-Sunflower_seeds._img_010.jpg)
![Thumb image](http://upload.wikimedia.org/wikipedia/commons/thumb/6/64/Sunflower_seeds_-_white._img_03.jpg/640px-Sunflower_seeds_-_white._img_03.jpg)
Solsikkefrø kan vera kvite, brune, svarte eller stripa.[1] For kommersielle føremål klassifiserer ein vanlegvis solsikkefrø etter mønsteret på skala. Viss skalet er heilt svart, kallar ein frøa svartoljesolsikkefrø. Desse avlingane kan ein kalla som oljefrøsolsikkeavlinger. Slike frø blir vanlegvis pressa for å utvinna olja i dei. Stripa solsikkefrø blir først og fremst etne som snacks.