Tatjana Averina
From Wikipedia, the free encyclopedia
Tatjana Borisovna Averina (25. juni 1950–22. august 2001) var ein russisk skeiseløpar frå Gorkij som representerte Sovjetunionen. Ho vart olympisk meister på 1000 meter og 3 000 meter under Vinter-OL 1976 i Innsbruck og verdsmeister i firkamp 1978 i Helsinki. Averina var gift med skeiseløparen Aleksandr Barabasj, og blei deretter også kjend som Tatjana Barabasj.[1]
Tatjana Averina | |
Fødenamn | Татья́на Бори́совна Аве́рина |
Statsborgarskap | Sovjetunionen, Russland |
Fødd | 25. juni 1950 Nizjnij Novgorod |
Død |
22. august 2001 (51 år) |
Idrett | lengdeløp på skeiser |
Tok del i |
Vinter-OL 1980, Hurtigløp på skøyter under Vinter-OL 1976 – 500 meter kvinner, Hurtigløp på skøyter under Vinter-OL 1976 – 1000 meter damer, Hurtigløp på skøyter under Vinter-OL 1976 – 1500 meter damer, Hurtigløp på skøyter under Vinter-OL 1976 – 3000 meter damer |
Utmerkingar |
Arbeidets røde fanes orden, Idrettens mester i Sovjetunionen |
Averina deltok internasjonalt frå 1970 og vart nummer tre i Skeise-EM 1971. Både i 1974, 1975 og 1976 kom ho på andreplass i den årlege verdsmeisterskapen i firkamp, slått av høvesvis Atje Keulen-Deelstra frå Nederland, Karin Kessow frå Aust-Tyskland og Sylvia Burka frå Canada. På tampen av 1974-sesongen sette Averina verdsrekord både 1500 m og 1000 m på Medeo-bana i Kasakhstan, rekordar ho forbetra fleire gongar på same bana nær eitt år seinare. Ho forbetra då også 500-meterrekorden, sist til 41,06 sekundar.
Under dei olympiske vinterleikane 1976 i Innsbruck opna Averina med å vinne bronsemedaljen på 1500 m, for deretter å sikre seg bronse nummer to på 500-meteren. Sidan vann ho gullmedaljen på 1000 m, før ho avslutta medaljehausten gjennom å vinne 3000 meter med minimal margin, fire og fem hundredels sekund framom sølv- og bronsemedaljørane, bronsen gjekk elles til Lisbeth Korsmo. I firkamp-VM 1978 i Helsinki vart Averina verdsmeister framom landskmannen Galina Stepanskaja. Averina deltok i Vinter-OL 1980, utan å utmerke seg.