Windows 95
operativsystem / From Wikipedia, the free encyclopedia
Windows 95 var eit operativsystem utgjeve av Microsoft den 24. august 1995. Før utgjevinga vart det omtala både som Windows 4 og det interne kodenamnet Windows Chicago. Windows 95 var den fyrste versjonen av Microsoft Windows som hadde oppgåvelinje, startknapp og tilgang til Internett.[1][2]
Windows 95 | |||
| |||
| |||
Utviklar(ar) | Microsoft | ||
---|---|---|---|
Utgjeve | 24. august 1995 | ||
Plattform | x86 | ||
Lisens | proprietær lisens | ||
Nettstad | http://www.microsoft.com/windows95 | ||
Etterfølgjar | Windows 98 |
Windows erstatta forgjengaren Windows 3.1. Skilnadane mellom dei to utgåvene var store. Windows 3.11 og tidlegare utgåver, var operativmiljø som kjøyrde oppå MS DOS, medan den nye utgåva var eit sjølvstendig operativsystem integrert med MS DOS 7.0.
Windows 95 vart etterfølgd av Windows 98 den 25. juni 1998. Microsoft avslutta vanleg brukarstøtte for Windows 95 den 31. desember 2000. Som Windows NT 3.51 hadde Windows 95 berre eitt år med forlenga støtte, som tok slutt 31. desember 2001.