Åsmund Aukrust

Åsmund Grøver Aukrust (fødd 28. februar 1985 i Bærum) er ein norsk politikar for Arbeidarpartiet. Sidan 4. februar 2025 har han vore utviklingsminister i Støre-regjeringa.^[1]

Åsmund Aukrust
Fødd	28. februar 1985 (40 år) Oslo
Statsborgar av	Noreg
Parti	Arbeidarpartiet
Yrke	politikar
Utdanna ved	Institutt for sosiologi og samfunnsgeografi (UiO)
Alle verv	vararepresentant til Stortinget (2009–2013) stortingsrepresentant (2013–2017) stortingsrepresentant (2017–2021) stortingsrepresentant (2021–) Norsk utviklingsminister (2025–)

Aukrust var nestleiar i AUF frå 2010 til 2014, ein av fleire visepresidentar i International Union of Socialist Youth og innvald på Stortinget for perioden 2013–2017 som fjerdekandidat for Akershus Arbeidarparti. Han var vara til Stortinget i perioden 2009–2013.

Aukrust har teke ei bachelorgrad i sosiologi ved Universitetet i Oslo.

Politisk karriere

Aukrust har vore medlem av Bærum kommunestyre^[2] og blei innvald i Fylkestinget i Akershus i 2005. I 2009 blei han varamedlem til Stortinget. Han har vore nestleiar i AUF sidan oktober 2010. Han stilte opphavleg som leiarkandidat, men tapte hårfint for Eskil Pedersen.^[3] I april 2011 blei han vald som ein av visepresidentane i International Union of Socialist Youth der han er koordinator for dialog mellom EU og arabarstatane.^[4] Han er også medlem av rådet til Nei til EU.^[5]

Åsmund Aukrust var til stades som leiransvarleg på AUFs sommarleir på Utøya under terroråtaka 22. juli 2011. Han blei evakuert frå øya etter at politiet kom dit.^[6] Aukrust var engasjert som politisk rådgjevar for kulturminister Anniken Huitfeldt 1. november–31. desember 2011.^[7]

Stortingskomitear

• 2013–2021: Medlem av Energi- og miljøkomiteen
• 2021–2025: 1. nestleiar av Utanriks- og forsvarskomiteen