Østersstuing

Østersstuing er ei stuing ein lagar med østers. Retten er utbreidd i USA og i Gambia.

Østersstuing frå The Oyster Bar ved Grand Central Terminal i New York.

I mattradisjonen til New England er østersstuing ofte knytt til feiringa av thanksgiving.^[1] I Sørstatane lagar ein ofte retten til julaftan.^[2]

Den typiske sørstatsstuinga blir laga med mjølk og fløyte.^[3] Ho blir ofte servert med ein type kjeks kalla oyster crackers, som kan ha fått dette namnet gjennom tilknytinga til stuinga.^[4]

Østersstuing er også ein populær rett i gambisk matlaging. I Gambia veks østers på mangroverøter.^[5]