(I'm a) Road Runner

«(I'm a) Road Runner» er ein song av Junior Walker & the Allstars frå albumet Road Runner frå 1966. Songen er skriven av låtskrivarlaget Holland–Dozier–Holland og vart gjeven ut på Tamla (Motown) i 1966 og nådde topp 20 i USA og Storbritannia.^[1][2]

(I'm a) Road Runner Singel av Junior Walker & the Allstars frå albumet Road Runner
Utgjeve	1966
Sjanger	Soul, rock and roll
Lengd	2:49
Selskap	Tamla Motown
Låtskrivar(ar)	Holland–Dozier–Holland
Junior Walker & the Allstars-kronologi
«Cleo's Back» (1966)	(I'm a) Road Runner	«Cleo's Mood» (1966)

Walker spelar ein markant tenorsaksofonsolo, akkompagnert av Mike Terry på barytonsaksofon og Willie Woods på gitar. Under produksjonen av innspelinga, vart det oppdaga at Walker berre kunne spele songen i to toneartar, så då Walker song songen i ein toneart han ikkje kunne spele i, vart saksofonen spelt inn i ein annan toneart, og sidan auka dei tempoet på lydbandet, slik at saksofonen hamna i rett toneart.^[3]

Andre utgåver

James Taylor spelte songen i første episode av andre sesong av Saturday Night Live. Taylor spelte òg inn songen i 2008 på albumet Covers

Den britisk-amerikanske rockegruppa Fleetwood Mac spelte inn songen med Dave Walker på solovokal i 1973 for albumet Penguin.

Jerry Garcia Band framførte songen i 1975, sidan gjeven ut på The Jerry Garcia Collection, Vol. 2: Let It Rock.

Peter Frampton spelte songen i 1977 for albumet I'm in You.