Abilene i oldtida

Abilene (Abilênê) eller Abila var ei slette og eit distrikt i Koilesyria i oldtida. Hovudbyen var Abila Lysaniou (Abilan de tên Lusaniou). Dei nøyaktige grensene til området er uklare, men det synest å ha omfatta austhellinga av Antilibanon-fjella og å ha omfatta område sør og søraust av Damaskus heilt fram til Galilea, Batanea og Trakonitis.^[1][2] Ruinane etter hovudstaden Abila finn ein ved elva Barada, nær byen Souk Wadi Barada.^[3]

Abilene er nemnt i Lukasevangeliet, der det er nytta til å tidfesta kva tid Johannes døyparen byrja å preika.^[4] Ifølgje Flavius Josephus var Abilene eit eige itureisk kongedømme fram til år 37.