Akaba guvernement

Akaba (arabisk محافظة العقبة‎, romanisert Muhafazat al-ʻAqabah) er eit guvernement i Jordan, sør for Amman, hovudstaden i Jordan. Det administrative senteret er Akaba. Det er det fjerde største guvernementet i Jordan etter areal og det tiande største etter folketal.

Akaba
العقبة
guvernement
Hamnebyen Akaba
Land	Jordan
Distrikt	3
Hovudstad	Akaba
•  høgd	24 moh.
Areal	6 905 km²
Retningsnummer	+(962)3
Urban	86%
Rural	14%
Akaba guvernement 29.523611°N 35.007222°E / 29.523611; 35.007222
Plasseringa til Akaba guvernement i Jordan Plasseringa til Akaba guvernement i Jordan
Wikimedia Commons: Aqaba Governorate

Akaba er ein hamneby ved Raudehavet og spelar ei viktig rolle i den jordanske økonomien. To av dei tre største turistmåla i Jordan ligg i Akaba guvernement, Wadi Rum, og hamnebyen Akaba.

Geografi

Byen Akaba er hovudstaden i Akaba guvernement

Wadi Rum.

Akaba guvernement ligg heilt sørvest i Jordan, og grensa til Ma'an guvernement i aust, Tafilah guvernement i nord, Saudi-Arabia i sør, Israel i vest og Akababukta i sørvest.

Historie

Byen Akaba har vore busett sidan 4000 fvt., og nådde toppen sin i romartida, då romarane bygde Via Traiana Nova som endar i Akaba.

Akaba var òg åstad for somme av eventyra til sjøfararaen Sinbad i dei kjende arabiske eventyra.

I moderne historie er Akaba kjend for Lawrence av Arabia og slaget ved Akaba, eit av dei viktigaste slaga i fyrste verdskrigen i Midtausten.

Dei eldste funna skriven med arabisk alfabet var funnen i Wadi Rum i Akaba guvernement, og er datert attende til 300-talet.

Administrativ inndeling

Akaba guvernement er delt inn i tre department:

	Nahiya	Arabisk namn	Byar og landsbyar	Adm. senter
1	Al-Qasabah nahiya	لواء قصبة العقبة	omfattar byen Akaba og tre nærliggande landsbyar	Akaba
2	Wadi Arabia nahiya	قضاء وادي عربة	omfattar ni landsbyar	Al-Reeshah
3	Al-Quwairah	لواء القويرة	omfattar 15 landsbyar	Al-Quwairah