Al-Dumayr

Dumeir, Dumair, Damir eller Dumayr (arabisk ضمير eller الضمير) er ein by som ligg 40 kilometer nordaust for Damaskus i Syria.

Dumeir
ضمير, Dumayr
by
Zevs Hypsistos-tempelet i Dumeir
Land	Syria
Guvernement	Rif Dimashq guvernement
Distrikt	Duma-distriktet
Høgd	675 moh.
Koordinatar	33°38′31″N 36°41′34″E
Folketal	24 223  (2004)
Tidssone	EET (UTC+3)
Al-Dumayr 33.643888888889°N 36.693611111111°E / 33.643888888889; 36.693611111111
Kart som viser Al-Dumayr. Kart som viser Al-Dumayr.
Wikimedia Commons: Dumair

Arkeologi

Det romerske Dumeirtempelet ligg midt i gamlebyen. Det var tileigna Zevs Hypsistos i 245 evt. i regjeringstida til den romerske keisaren Filip arabaren. Det finst likevel ein tidlegare referanse til bygningen i eit søksmål i 216. Eit altar tileigna til den semittiske guddomen Baal Shamin i 94 evt., no i Institut du Monde Arabe i Paris, indikerer at ein nabateisk religiøs bygning stod på staden.

Forma er særs uvanleg og konstruksjonen kan ha først vore ein offentleg fontene eller skysstasjon, men i den endelege forma er det heilt klårt eit tempel. Det vart befesta i arabisk tid, og bogen på bakveggen vart fylte att med steinar og forsvarsutstyr.

Tempelet har sidan blitt restaurert og tilbakeført til slik det opphavleg var.^[1]