Al-Khader i Betlehem

Al-Khader (arabisk الخضر) er ein palestinsk by i Betlehem guvernement sør på den sentrale Vestbreidda. Han ligg 5 km vest for Betlehem. I følgje Palestinsk statistisk sentralbyrå hadde byen eit folketal på 9 774 i 2007.^[1] I området kring al-Khader vert det dyrka vindruer, oliven og fiken.^[2]

Al-Khader
الخضر, al-Khadr
kommune
Austlege al-Khader og Salomodammane
Namneopphav: St. Georg-byen
Land	Dei palestinske territoria
Guvernement	Betlehem guvernement
Koordinatar	31°41′33.87″N 35°09′59.1″E
Areal	19,9 km²
Folketal	9 774  (2007)
Folketettleik	491 / km²
Borgarmeister	Ramzi Salah
Al-Khader i Betlehem 31.692741666667°N 35.166441666667°E / 31.692741666667; 35.166441666667
Kart som viser Al-Khader i Betlehem. Kart som viser Al-Khader i Betlehem.
Wikimedia Commons: Al-Khader

Historie

Staden der al-Khader var først busett av kanaanittar. I 1953 vart det funne fem spydspissar frå 1000-talet fvt. med kanaanittisk inskripsjon. Inskripsjonen tyda «pila til 'Abd Labi't».^[3]

Al-Khader er kallla opp etter St. Georg som i arabisk kultur vert kalla «al-Khadr.» I følgje ei lokal seg vart St. Georg sett i fengsel i byen der det noverande St. Georg-klosteret står. Kjettingane som heldt han fast vart relikviar som vart sagt å ha lækjande krefter.^[4]

Seint i osmansk styre (1516-1917), var al-Khader ein del av Bani Hasan sjeikdøme og nahiyah, som art styrt av Absiyeh-familien frå al-Walaja. I 1838 vart innbyggjarane klassifisert som muslimar av den engelske bibelforskaren Edward Robinson og Eli Smith.^[5] Seint på 1800-talet vart al-Khader skildra av Palestine Exploration Fund i Survey of Western Palestine som ein mellomstor landsby med ei «gresk kyrkje og kloster.» Han var omgjeve av vindruer og olivenlundar og «gravholer hogde ut i berget» nord for landsbyen.

Etter bygginga av Israel si sperring på Vestbreidda kring al-Khader, er fleire tusen mål med jordbruksjord blitt skild frå landsbyen, og landsbybuarane har ikkje tilkomst til dette området utan løyve.