Al-Midya

al-Midya (arabisk المديه) er ein palestinsk landsby i Ramallah og al-Bireh guvernement nord på Vestbreidda, 20 kilometer vest for Ramallah. I følgje Palestinsk statistisk sentralbyrå hadde landsbyen 1301 innbyggjarar i 2007.^[1]

al-Midya
المديه, al-Midyah
kommune
al-Midya frå aust
Land	Dei palestinske territoria
Guvernement	Ramallah og al-Bireh guvernement
Koordinatar	31°56′08.91″N 35°00′18.91″E
Areal	0,9 km²
Folketal	1 301  (2007)
Folketettleik	1 446 / km²
Al-Midya 31.935808333333°N 35.005252777778°E / 31.935808333333; 35.005252777778
Kart som viser Al-Midya. Kart som viser Al-Midya.
Wikimedia Commons: Al-Midya

Historie

Den gamle landsbyen ligg ved Ras al-Midya, søraust for landsbyen, der ein har funne keramikk frå jernalderen og seinare periodar. Han vart visstnok nemnt av Ishtori Haparchi under mamelukkane.^[2]

Osmans tid

Al-Midya vart ein del av Det osmanske riket i 1517 i lag med resten av Palestina, og i 1596 stod han oppført i skattelister som ein del av Ramla nahiya i Gaza liwa. Han hadde eit folketal på 25 muslimske hushaldningar og betalte skatt for kveite, bygg, sommaravlingar eller oliven eller frukttre, og ei presse for oliven eller druer.^[3]

I 1870 vitja Victor Guérin landsbyen og meinte at ruinane her var graver etter makkebarane.^[4] Men Clermont-Ganneau gjorde omfattande utgravingar seinare og fann kristne krossar i dei eldste delane av den største strukturen. Han konkluderte med at ruinane var frå 400-talet eller seinare, i bysantinsk tid.^[5]

I 1882 skildra Palestine Exploration Fund i Survey of Western Palestine Midieh som ein ganske stor landsby med hus anten bygd av adobe eller stein. I nord låg ein liten olivenlund, i sør ein tank. Det «raraste» dei fann vart kalla er Ras. Det var ein høg, kjegleforma knaus, med ein muqam på toppen, og graver hogde ut i sidene.^[6]

Det britiske mandatet

I folketeljinga i Palestina i 1922, utført av dei britiske mandatstyresmaktene, hadde Midya ein muslimsk folksetnad på 245 innbyggjarar,^[7] og dette auka i folketeljinga i 1931 til 286, framleis alle muslimar, 59 hus.^[8]

I 1945 var folketalet i el Midya 320 arabarar, som eigde 7 020 mål med land i følgje ei offisiell måling.^[9] Av dette var 688 mål plantasjar og irrigert land, 2 304 mål for kornåkrar,^[10] medan 8 mål var utbygd (urban) område.^[11]