Albumet Yellow Submarine

Yellow Submarine er eit filmmusikkalbum av The Beatles med musikk frå filmen med same namn.

Yellow Submarine Filmmusikkalbum av The Beatles og George Martin
Språk	engelsk
Utgjeve	13. januar 1969
Innspelt	26. mai 1966 – 11. februar 1968 (The Beatles) 22–23. oktober 1968 (George Martin) i EMI og De Lane Lea studio i London
Sjanger	psykedelisk rock orkestermusikk
Lengd	40:12
Selskap	Apple
Produsent	George Martin
The Beatles-kronologi
The Beatles (1968)	Yellow Submarine	Abbey Road (1969)

Meldingar
Karakter
Kjelde	Karakter
AllMusic	[1]
The A.V. Club	C–[2]
Consequence of Sound	C+[3]
Encyclopedia of Popular Music	[4]
Music Story	[5]
Pitchfork Media	6.2/10[6]
Record Mirror	[7]
The Rolling Stone Album Guide	[8]

I motsetnad til korleis filmen vart teke imot, vert Yellow Submarine vanlegvis rekna som det svakaste albumet til The Beatles, sidan det berre inneheld seks songar av bandet. Ho var ei av få Beatles-plater som ikkje nådde toppen av albumlista i verken Storbritannia eller USA. Den høgaste plasseringa i USA var andreplass. Albumet nådde derimot førsteplassen på VG-lista i Noreg. The Beatles sjølv rekna det ikkje som eit studioalbum, sidan dei fire songane som ikkje var gjeve ut før dette albumet, vart spelte inn til forskjellige tider i 1967 og 1968.

Historie

«Only a Northern Song» vart spelt inn under innspelinga av Sgt. Pepper's Lonely Hearts Club Band, men kom ikkje med her. Det meste av songen vart spelt inn i februar 1967. «It's All Too Much» vart spelt inn like før Sgt. Pepper kmo ut, men vart korta ned (frå åtte minuttar) for Yellow Submarine. «Hey Bulldog», spelt inn i februar 1968, og «All Together Now», spelt inn i mai 1967, var heile tida meint for filmen.

«Baby You’re a Rich Man» vart òg opphavleg tenkt som ein del av musikken i filmen, men vart i staden gjeve ut som B-sida til «All You Need is Love» og ikkje med på Yellow Submarine-albumet.^[9]

To songar på albumet hadde vore gjeve ut før. «Yellow Submarine» hadde alt vore på Revolver i august 1966 og på same tid ein hitsingel då. «All You Need Is Love» hadde vore ein hit i 1967, samt vore gjeve ut på den amerikanske utgåva av Magical Mystery Tour seinare på året. Songen er i ekte stereo på dette albumet. Songen hadde tidlegare vore gjeve ut i mono eller i omkanaliserte stereoutgåver på Magical Mystery Tour.

Den andre sida inneheld musikkstykke (spelt inn spesifikt for albumet) av George Martin nytta i filmen.

Etter at blanda mottaking då albumet kom ut, tenkte The Beatles på å gje ut Yellow Submarine som ein EP med fem spor, utan filmmusikken til Martin, men med «Across the Universe» som bonusspor. Dette skjedde derimot aldri.^[10]

Innhald

Alle spor skrivne av Lennon–McCartney, utanom «Only a Northern Song» og «It's All Too Much», av George Harrison

Side ein: Songar frå filmen

Nr.	Tittel	Solovokal	Lengd
1.	«Yellow Submarine»	Starr	2:39
2.	«Only a Northern Song»	Harrison	3:24
3.	«All Together Now»	McCartney, med Lennon	2:11
4.	«Hey Bulldog»	Lennon	3:11
5.	«It's All Too Much»	Harrison	6:25
6.	«All You Need Is Love»	Lennon[11]	3:51

Alle spor skrivne av George Martin, utanom «Yellow Submarine in Pepperland» av Lennon–McCartney, arr. Martin

Side to: Åtfølgjande orkestermusikk

Nr.	Tittel	Lengd
1.	«Pepperland»	2:21
2.	«Sea of Time»	3:00
3.	«Sea of Holes»	2:17
4.	«Sea of Monsters»	3:37
5.	«March of the Meanies»	2:22
6.	«Pepperland Laid Waste»	2:17
7.	«Yellow Submarine in Pepperland»	2:13

Medverkande

The Beatles (side ein)

• John Lennon – solo- og korvokal, rytme- og sologitar, piano, klapping
• Paul McCartney – solo- og korvokal, bass og akustisk gitar, kontrabass, trompet, klapping, perkusjon
• George Harrison – solo- og korvokal, sologitar og akustisk gitar, Hammondorgel, perkusjon og klapping, fiolin
• Ringo Starr – trommer, perkusjon og klapping, korvokal, solovokal (på spor 1)
• George Martin – piano på «All You Need is Love», orkesterarrangement

Salstrofé

Region	Salstrofé	Salstal
Canada (Music Canada)[12]	Gull	50 000^
Storbritannia (BPI)[13]	Gull	100 000^
USA (RIAA)[14]	Platina	1 000 000^
^salstala er basert på sertifiseringa aleine

BPI-sertifiseringa gjeld berre for sal sidan 1994.^[15]

Salslister

Liste	Plassering
Australske Kent Music Report[16]	4
Kanadiske RPM Top LPs[17]	1
VG-lista[18]	1
UK Albums Chart[19]	3
US Billboard Top LPs[20]	2
Vesttyske Musikmarkt LP Hit-Parade[21]	5