Alexandra Beverfjord

Alexandra Haugland Beverfjord (fødd 2. juni 1977) er ein norsk redaktør, journalist og forfattar. Ho vart ansvarleg redaktør og administrerande direktør i Dagbladet i april 2018.^[1]

Alexandra Beverfjord
Statsborgarskap	Noreg
Fødd	2. juni 1977 (48 år) Trondheim
Yrke	journalist, redaktør, direktør, sosialantropolog, handelsskulekandidat, forfattar
Alexandra Beverfjord på Commons

Journalisme

Beverfjord starta journalistkarrieren i Adresseavisa i Trondheim der ho jobba meir eller mindre samanhengande frå 1996 til 2001. I 2001 vart ho tilsett i Dagbladet.^[1] Beverfjord er utdanna innan sosialantropologi, med mastergrad frå Noregs teknisk-naturvitskaplege universitet i 2002 på ei oppgåve om rehabilitering av unge rusmisbrukarar.^[2] Ho vart utgåvesjef for Dagbladet Magasinet i 2005, og var nyheitsredaktør i Dagbladet 2010 til 2013.^[1]

1. oktober 2013 vart ho reportasjeredaktør i NRK Nyheiter, og var ein av fire redaktørar som leia nyheitsdivisjonen i rikskringkastinga. I oktober 2015 overtok ho som nyheitsdirektør i NRK Nyheiter etter Per Arne Kalbakk.^[3]

Forfattar

Alexandra Beverfjord er forfattar ved sida av journalist- og redaktørgjerninga. Ho debuterte med romanen Kretsen, der handlinga var lagt til eit journalistmiljø i hovudstaden. I 2011 vart ho tildelt «Maurits Hansen-prisen - Nytt Blod» for debutromanen.

Bibliografi

• Det bor et barn i mitt hjerte (2009) Med Atle Dyregrov og Aida Løver. ISBN 978-82-05-38471-2
• Kretsen (2010) ISBN 978-82-05-40105-1
• Kronprinsen (2012) ISBN 978-82-05-43011-2