Alison Goldfrapp

Alison Margaret Elizabeth Goldfrapp^[2][3] (fødd 13. mai 1966) er ein engelsk musikar og plateprodusent, mest kjend som vokalist i den britiske electronica-duoen Goldfrapp.

Alison Goldfrapp
Goldfrapp på scenen i Oxford i 2010
Fødd	13. mai 1966 (59 år)
Fødestad	London i England
Fødenamn	Alison Margaret Elizabeth Goldfrapp
Opphav	Storbritannia
Aktiv	Sidan 1989
Sjanger	Elektronisk synth-pop electroclash trip hop ambient[1]
Instrument	Vokal piano tamburin synthesiser
Stemmetype	sopran
Tilknytte artistar	Goldfrapp
Plateselskap	Mute BMG
Verka som	Musikar songar låtskrivar plateprodusent
Sambuar med	Lisa Gunning

Ho byrja karrieren i 1994 då ho song på Orbital-albumet Snivilisation og spelte inn dei to songane «The Good» og «The Bad» med trip reggae-gruppa Dreadzone.^[4] I 1995 song ho med trip hop-artisten Tricky på songen «Pumpkin» og samarbeidde med Stefan Girardet på to songar for filmen The Confessional.

Goldfrapp møtte komponisten Will Gregory i 1999 og dei skipa Goldfrapp, som fekk kontrakt med Mute Records. Debutalbumet deira, Felt Mountain, kom ut i 2000.

I 2009 fekk ho ein æresdoktorgrad ved University of Portsmouth.^[5]

Goldfrapp har gjeve ut sju album så langt.