Amfibium

Amfibium eller padder er firbeinte eller sekundærte beinlause dyr som lever både på land og i vatn og manglar amniotiske egg. Dei er vekselvarme, det vil seie at kroppstemperaturen er avhengig av omgjevnadane, og er i stand til å pusta over kroppsflata. Det er beskrive rundt 6000 nolevande artar, mange sterkt truga av utrydjing. Amfibia omfattar froskar, padder, salamandrar og ormeamfibium.

Amfibium
Ei padde
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Infrarekkje:	Kjevemunnar Gnathostomata
Megaklasse:	Beinfiskar Osteichthyes
Overklasse:	Tetrapodar Tetrapoda
Klasse:	Amfibium Amphibia
Infraklasse:	†Amfibium Elpistostegalia Gray, 1825

Utvikling

Orden Anura, Hylidae, Agalychnis callidryas

Dei første store amfibiegruppene utvikla seg i devontida frå ferskvasslevande kvastfinnefisk (eller lungefisk?) med finnar omdanna til bein. Fleire artar på denne tida kunne bli fleire meter lange, noko berre særs få japanske salamandrar gjer dei etter i dag. Me reknar me at desse dyra erobra landjorda for å unngå å bli jakta på, men dei møtte òg eit par utfordringar der oppe: Dei hadde korkje vasstett skinn eller vasstette egg, og hovudføda deira var framleis i vatnet.

I karbontida flytta amfibia seg opp i næringskjeda og fekk ei rolle som tilsvarar den krokodillane har i dag. Dei åt både store insekt, som levde på land, og fisk som levde i vatn. Gjennom permtida og tidleg trias vart dei derimot utkonkurrerte av proto-krokodiller; krypdyr som overtok nisjene deira. Dette førte til at amfibia migrerte til kaldare strøk (sidan dei i motsetnad til urkrokodillane kunne gå i dvale) eller vart mindre.

Systematikk

• Underklasse Labyrinthodontia (utdøydd)
  • orden Ichtyostegalia (utdøydd)
  • orden Temnospondyli (utdøydd)
  • orden Anthracosauria (utdøydd)
• Underklasse Lepospondyli (utdøydd)
  • Orden Adelospondyli (utdøydd)
  • Orden Aïstopoda (utdøydd)
  • Orden Nectridea (utdøydd)
  • Orden Tuditanomorpha (utdøydd)
  • Orden Lysorophia (utdøydd)
• Underklasse Lissamphibia
  • Orden Anura (froskar og padder)
  • Orden Caudata (salamandrar)
  • Orden Gymnophiona (ormeamfibium)

Bakgrunnsstoff

Commons har multimedium som gjeld: Amfibium