Amulett

Amulett (av gresk amuletum) er ein gjenstand som einkvan ber med seg i tru på at han kan gje vern. Omgrepet er nært i slekt med talisman, men amuletten er mest meint som eit vern, medan ein talisman også kan ha som føremål å gje brukaren gode eigenskapar,^[1] magiske evner og eller særskilde dugleikar.^[2]

Gudinna Frøya som amulett. Kopi av eit funn frå Hagebyhöga , brukt av ein Forn Sed-utøvar.

Amulettar kan til dømes berast i handa, leggast i lomma, brukast som halssmykke eller leggjast inn i ein ring. Dei skal kunna verna den som ber dei mot ulukker og farar langs vegen, forsøk på å kaste trolldom mot han, eller mot skader, sår og alle slags sjukdommar.

Galleri

• 
  Skarabé-amulett med venger frå det 21. dynastiet i Egypt, ca. 1070–945 f.Kr.
• 
  Khamsa, ein amulett av ei hand som også er kjend som Fatima-hand og Miriam-hand.
• 
  Nazaramulett til vern mot det vonde auget ved døra til ein nyfødd unge i Tyrkia.

Sjå òg

• Himmelbrev
• Maskot
• Talisman