Amyotrofisk lateralsklerose

Amyotrofisk lateralsklerose (ALS) er ein nervesjukdom som går til åtak på motoriske nerveceller i ryggmergen og hjernen. Ein kan ikkje bli frisk frå han, og behandlinga er i stor grad symptomatisk, det vil seia at ein berre kan setja i verk tiltak som reduserer symptoma og plagene med sjukdommen.

Amyotrofisk lateralsklerose
Synonym	ALS
Klassifikasjonar og ressursar
ICD-9-kode:	335.20
ICD-10-kode:	G12.2
ICPC-2:	N99
OMIM	105400
DiseasesDB	29148
MeSH	D000690
MeSH	D000690

«ALS» omdirigerer hit. For øya i Danmark, sjå Als.

Gjennomsnittleg levetid etter diagnosetidspunkt er 3–4 år, men variasjonar frå seks månader til meir enn ti år er registrerte. Sjukdommen debuterer oftast etter 50-års alder. Dei fleste ALS-pasientar døyr på grunn av sviktande pust/lungefunksjon, sidan krafta i pustemuskulaturen forsvinn. Det finst likevel døme på menneske som har levd i fleire tiår med sjukdommen, slik som fysikaren Stephen Hawking, som levde i over 50 år med sjukdommen.^[1]

15 % av tilfella er arvelege, og vert nesten alltid arva etter eit autosomalt dominant arvemønster, det vil seia at det er nok med eit gen for sjukdommen i eitt av kromosompara. Likevel er recessiv arv kjend frå Skandinavia.^{[treng kjelde]} Recessiv arv er når genet må vera til stades i båe kromosoma i kromosomparet for å gjeva sjukdom.