Anastasija Petryk

Anastasija Ihorivna Petryk (fødd 4. mai 2002 i Odessa) er ein ukrainsk songar.

Anastasija Petryk
Fødd	4. mai 2002 (23 år)
Fødestad	Odesa
Fødenamn	Анастасі́я Íгoрівна Пе́трик
Opphav	Ukraina
Aktiv	2009–
Sjanger	pop
Instrument	vokal
Verka som	songar

Eurovision

Ditjatsje Jevrobatsjennja 2012

Petryk var ein av 21 deltakarar som vart valde ut av Natsionalna Telekompanija Ukraïny til å delta i Ditjatsje Jevrobatsjennja 2012, den ukrainske uttakinga til Junior Eurovision Song Contest 2012 i Amsterdam i Nederland. Før ho vart vald ut til å delta i Ditjatsje Jevrobatsjennja 2012 måtte ho gjennom ein regional uttaking. Ho vann til slutt tevlinga med songen «Nebo» og fekk representere Ukraina.

Junior Eurovision Song Contest 2012

Ukraina deltok i Junior Eurovision Song Contest 2012 og vann med 138 poeng; tolv frå Kviterussland, Sverige, Belgia, Russland, Israel, Armenia, Moldova og Nederland, ti frå juryen og Georgia, seks frå Albania og fire frå Aserbajdsjan. I tillegg fekk alle landa tolv poeng før poengutdelinga starta for at ingen skulle få null poeng. Petryk sette rekord i største sigersmargin, 35 poeng framfor andreplassen, og ho var den som fekk flest tolvarar då poenga vart del ut. Fire år tidlegare hadde systera Viktorija Petryk enda på andreplass for Ukraina i Junior Eurovision Song Contest 2008 i Limassol på Kypros med songen «Matrosy».

Kjelder

• Denne artikkelen bygger på «Anastasiya Petryk» frå Wikipedia på engelsk, den 27. oktober 2013.