Republikken Kypros

Republikken Kypros (gresk Κυπριακή Δημοκρατία Kypriakí Dimokratía, tyrkisk Kıbrıs Cumhuriyeti) er ein øystat aust i Middelhavet, 113 km sør for Tyrkia og rundt 12 mil vest for kysten til Syria. Sidan ein tyrkisk invasjon i 1974 har øya Kypros de facto vore delt i ein gresk og ein tyrkisk del, Republikken Kypros og Den tyrkiske republikken Nord-Kypros. Nord-Kypros er ikkje internasjonalt anerkjent av andre land enn Tyrkia. Kypros har vore medlem av EU sidan 2004.

Det er føreslått at denne sida blir flytta til Kypros. (Sjå eventuelt diskusjon)

[endre]

Κυπριακή Δημοκρατία Kıbrıs Cumhuriyeti Republic of Cyprus (norsk: Kypros, kypriotisk)
Flagg Riksvåpen
Nasjonalsong	«Ýmnos pros tin Eleftherían»
Motto	Ukjent
Offisielle språk	Gresk, tyrkisk og engelsk
Hovudstad	Levkosía (Nikosia)
Styresett President	Republikk Níkos Anastasiádis
Flatevidd  – Totalt  – Andel vatn	9 251 km² (165.) Ubetydeleg
Folketal  – Estimert (2017)  – Tettleik	1 221 549 (157.) 132 /km² (68.)
Sjølvstende   - Dato	Frå Storbritannia 16. august 19601
Nasjonaldag	1. oktober
BNP  – Totalt (2015)  – Per innbyggjar	27 260 mill. USD (129.) 33 300 USD (40.)
Valuta	Euro
Tidssone	UTC +2
Telefonkode	+357
Toppnivådomene	.cy
1 Ikkje anerkjent av Tyrkia

Geografi

For meir om dette emnet, sjå Kypriotisk geografi.

Republikken Kypros utgjer dei sørlege to tredjedelane av øya Kypros. Landskapet i republikken består hovudsakleg av to område: Tróodosfjella i vest og sletta Mesaoría i aust. I Troodos ligg fjellet Ólymbos, som er det høgaste fjellet på øya med ei høgd på 1 952 meter. Den delte hovudstaden Levkosía ligg om lag midt på Mesaoríasletta.