And Your Bird Can Sing

«And Your Bird Can Sing» er ein song av den engelske rockegruppa The Beatles, og vart første gong gjeven ut på albumet Revolver i 1966. Songen vart skriven av John Lennon, men er på sedvanleg vis tilskriven Lennon/McCartney. Arbeidstittelen på songen var «You Don't Get Me».

And Your Bird Can Sing Song av The Beatles frå albumet Revolver
Utgjeve	5. august 1966 (UK) 20. juni 1966 (US: Yesterday and Today)
Innspelt	26. april 1966, EMI Studios, London
Sjanger	Powerpop,[1] psykedelisk pop[2]
Lengd	2:01
Selskap	Parlophone
Komponist	John Lennon, Paul McCartney
Tekstforfattar	John Lennon, Paul McCartney
Låtskrivar(ar)	Lennon–McCartney
Produsent	George Martin

Teksten, med tilsynelatande gåtefulle referansar til grøne fuglar, kjære eigendelar og sju underverk, kan kanskje vere ein psykedelisk inspirert visjon av røynda.

Lennon har seinare referert til songen som «skrekkeleg» og «eit venstrehandsarbeid» og kalla han «ei tom eske med flott innpakkingspapir». I eit stort intervju med magasinet Playboy uttalte Lennon kort før han døydde at han sjølv vurderte denne songen som sin dårlegaste nokon gong, med unntak av «Dig a Pony».

Innspelinga har den same særeigne gitarlyden som pregar resten av Revolver, og vert innleia med ein karakteristisk tostemt gitarintro spelt av George Harrison og Paul McCartney. Innspelinga vart gjort den 26. april 1966.

Medverkande

• John Lennon – solovokal, rytmegitar, klapping
• Paul McCartney – harmonivokal, bass, sologitar,^[3] klapping
• George Harrison – harmonivokal, sologitar, klapping
• Ringo Starr – trommer, tamburin, klapping

Personell per Ian McDonald, bortsett frå der andre nemnde.^[4]

Kjelder

• Denne artikkelen bygger på «And Your Bird Can Sing» frå Wikipedia på bokmål, den 15. desember 2008.
  • Wikipedia på bokmål oppgav desse kjeldene:
    • Turner, Steve. A Hard Day’s Write: The Stories Behind Every Beatles’ Song, Harper, New York: 1994