Anders C. Sjaastad

Anders Christian Sjaastad (fødd 21. februar 1942) er ein norsk statsvitar og politikar frå Oslo, medlem av Høgre. Han var 1985-97 stortingsrepresentant for Oslo, og forsvarsminister 1981-86 i Willoch-regjeringa. Sjaastad var leiar i Europabevegelsen i Noreg 1989–92, og av Oslo Høgre 1996–2000.

Anders C. Sjaastad
Fødd	21. februar 1942 (83 år) Oslo
Statsborgar av	Noreg
Parti	Høgre
Yrke	politikar, statsvitar, skribent
Utdanna ved	Universitetet i Oslo
Alle verv	stortingsrepresentant (1985–1989) Norsk forsvarsminister (1981–1986) vararepresentant til Stortinget (1981–1985) stortingsrepresentant (1989–1993) stortingsrepresentant (1993–1997) vararepresentant til Stortinget (1997–2001)

Sjaastad tok examen artium i 1962, og vart mag.art. i statsvitskap frå Universitetet i Oslo i 1969. Han var formann i Den Konservative Studenterforening i 1965, og i Det Norske Studentersamfund i 1967. I tida 1968-70 var Sjaastad forskningsstipendiat ved Institutt for statsvitenskap ved Universitetet i Oslo. År 1970 vart han tilsett ved Norsk Utenrikspolitisk Institutt (NUPI) som forskar, og var også informasjonssjef i NUPI fram til han vart statsråd i 1981.

Sjaastad var statsråd i Forsvarsdepartementet frå 14. oktober 1981 til 25. april 1986, straks før regjeringa til Kåre Willoch gjekk av. I desse åra, 1981-86, var Sjaastad medlem av sentralstyret i Høgre, noko han også var i tida 1996–2000. Frå 1985 hadde Sjaastad fast sete i Stortinget til år 1997. Frå våren 1986 til hausten 1993 var han medlem av samferdslekomiteen, den siste fireårsbolken fram til 1997 var han nestleiar i justiskomiteen.

Etter å ha mista plassen på Stortinget i 1997, byrja han atter å arbeide i NUPI.

Kjelder

• Stortingsbiografi