Angela Merkel

Angela Dorothea Merkel (fødd Angela Dorothea Kasner, 17. juli 1954 i Hamburg) er ein tysk politikar. Ho var leiar for det kristelegdemokratiske partiet CDU. Frå 22. november 2005 til 8. desember 2021 var ho tysk kanslar.^[1][2] I 2007 var ho president for G8-landa. Forbes Magazine kåra Merkel til verdas mektigaste kvinne 15. gongar.^[3]

Angela Merkel
Fødd	17. juli 1954 (70 år) Eimsbüttel, Hamburg
Statsborgar av	Tyskland
Parti	Christlich Demokratische Union (1990)
Religion	Den evangelisk-lutherske kyrkja
Yrke	politikar, fysikar, statsmann, kjemikar
Institusjonar	Zentralinstitut für Physikalische Chemie Presse- und Informationsamt der Bundesregierung
Utdanna ved	Polytechnische Oberschule Templin Erweiterte Oberschule Templin Universitetet i Leipzig Akademie der Wissenschaften der DDR
Mor	Herlind Kasner
Far	Horst Kasner
Ektefelle	Ulrich Merkel, Joachim Sauer
Medlem	Atlanterhavsbroen Rotary Freie Deutsche Jugend Helmut Kohls fjerde regjering Helmut Kohls femte regjering Angela Merkels første regjering Angela Merkels andre regjering Angela Merkels tredje regjering Angela Merkels fjerde regjering
Alle verv	forbundskansler i Tyskland (2005–2021) medlem av Forbundsdagen (1990–1994) medlem av Forbundsdagen (1994–1998) medlem av Forbundsdagen (1998–2002) medlem av Forbundsdagen (2002–2005) medlem av Forbundsdagen (2005–2009) medlem av Forbundsdagen (2009–2013) Tysklands miljøvernminister (1994–1998) Tysklands familieminister (1991–1994) medlem av Forbundsdagen (2013–2017) generalsekretær i CDU (1998–2000) medlem av Forbundsdagen (2017–2021) leder for Christlich Demokratischen Union (2000–2018) leder for CDU/CSUs fraksjon i Forbundsdagen (2002–2005) Party Chairman of the CDU Mecklenburg-Western Pomerania (1993–2000) President-in-Office of the European Council (2007–2007)

Bakgrunn

Merkel vart fødd i Hamburg i Vest-Tyskland, men flytta saman med familien til Templin i Aust-Tyskland. Ho voks opp i Templin. Ho tok doktorgraden i fysikk i 1986 ved universitetet i Leipzig.^[4] I 1989 engasjerte ho seg i den opposisjonelle partidanninga Demokratischer Aufbruch, som i 1990 gjekk saman med det austtyske CDU.

Etter at Tyskland igjen vart samla i 1990 vart Merkel vald inn i Forbundsdagen. Frå 1991 til 1994 var ho minister for familiedepartementet og frå 1994 til 1998 miljøvernminister i regjeringa til Helmut Kohl.^[4]

I april 2000 vart ho vald til partileiar i CDU. I samband med Forbundsdagsvalet 2005 var ho høgresida sin kandidat til embetet som tysk forbundskanslar, mot den sitjande kanslaren Gerhard Schröder. Den 10. oktober 2005 vart det kunngjort at partia CDU, CSU og SPD hadde kome fram til ei avtale om at Merkel skulle verte ny kanslar, ho vart dermed den fyrste kvinnelege kanslaren i Tyskland.^[5]