Anier García

Anier Octavio García Ortiz (fødd 9. mars 1976) er ein kubansk tidlegare hekkeløpar frå Santiago de Cuba, som vart olympisk meister på 110 meter hekk i 2000 og elles vann to VM-sølv og ein OL-bronse i same øvinga i tida 1999-2004.

Anier García
Statsborgarskap	Cuba
Fødd	9. mars 1976 (49 år) Santiago de Cuba
Idrett	friidrett
Tok del i	Sommar-OL 2004, Sommar-OL 2000, Sommar-OL 1996

García fekk sitt internasjonale gjennombrot då han vann 60 meter hekk ved innandørs-VM 1997 i Paris. Sommaren 1999 vann han 110 m hekk under dei panamerikanske leikane i Winnipeg og ein månad seinare sprang han inn til VM-sølv i Sevilla, tre hundredels sekund bakom vinnaren, briten Colin Jackson.

Under dei olympiske leikane i Sydney i september 2000 var García den suverene einaren på korthekken og sette samstundes personleg rekord med 13,00 sekundar. Året etter vann han VM-sølv nummer to på 110 m hekk i Edmonton, som sist på tida 13,07 sekundar og som sist tre hundredels sekund bak gullmedaljøren, som her var Allen Johnson frå USA. García avslutta den internasjonale medaljehaustinga med å knipe OL-bronsen i 2004, eitt hundredels sekund framom fjerde- og femtemann.

Medaljar og plasseringar i internasjonale meisterskap

• OL 1996 i Atlanta: Utslått i kvartfinalane (13,58 =nr 18)
• VM 1997 i Aten: (13,46 i kvartfinalane, nr 16 - stite ikkje i semifinalane)
• VM 1999 i Sevilla: Sølvmedalje – 13,07, bakom Colin Jackson (13,04)
• OL 2000 i Sydney: Gullmedalje – 13,00, framom Terrence Trammell (13,16)
• VM 2001 i Edmonton: Sølvmedalje – 13,07, bakom Allen Johnson (13,04)
• OL 2004 i Aten: Bronsemedalje – 13,20, bakom Terrence Trammell (13,18)
• VM 2005 i Helsinki: Utslått i semifinalane (13, 99 =nr 22)

Kjelder

• Denne artikkelen bygger på «Anier García» frå Wikipedia på engelsk, den 20. juli 2017.