Anna av Brandenburg

Anna av Brandenburg (27. august 1487 i Berlin–3. mai 1514 i Kiel) var fyrste kona til Fredrik av Schleswig-Holstein-Gottorp, den seinare dansk-norske kongen Fredrik I.^[1] Ho var dotter av kurfyrst Johan I av Brandenburg og Margrethe av Sachsen.

Anna av Brandenburg
Statsborgarskap	Kongeriket Danmark
Fødd	27. august 1487 Berlin
Død	3. mai 1514 (26 år) Kiel
Yrke	aristokrat
Far	Johan Cicero av Brandenburg
Mor	Margarete von Sachsen
Ektefelle	Fredrik I av Danmark-Noreg
Anna av Brandenburg på Commons

Ekteskapet vart inngått i Stendal 10. april 1502.^[2] Dei var i så nær slekt at dei måtte få paveleg dispensasjon for å inngå ekteskap.^[1]

Anna og Fredrik fekk to born; Kristian i 1503 og Dorothea i 1504. Kristian vart seinare konge under namnet Kristian III og Dorothea blei gift med Albrecht av Preussen.

Anna vert ofte omtala som dronning av Danmark-Noreg, men Fredrik blei konge i 1523, ni år etter ho døydde. Ho blei gravlagd i klosterkyrkja i Bordesholm ved Husum. Det kjende Bordesholmaltaret av Hans Brüggemann vart tinga av Fredrik I som gravmæle for Anna. Frå 1666 har det vore i Schleswig domkyrkje, kor Fredrik I blei gravlagd i 1533.

Fredrik fekk òg tinga eit mausoleum i Bordesholm klosterkyrkje der skulpturar av han og henne ligg støypt i bronse.