Anne Enger

Anne Enger, tidlegare Anne Enger Lahnstein, (fødd 9. desember 1949) er tidlegare leiar for Senterpartiet og var statsråd i Kulturdepartementet (kulturminister) i Regjeringa Bondevik I. I ein periode var ho fungerande statsminister for Kjell Magne Bondevik under eit lengre sjukdomsfråver. Ho kjem opphavleg frå Trøgstad i Østfold.

Anne Enger
Anne Enger på Senterpartiet sitt landsmøte i 2013 Foto: Senterpartiet
Fødd	9. desember 1949 (75 år) Trøgstad kommune
Statsborgar av	Noreg
Parti	Senterpartiet
Yrke	politikar
Utdanna ved	Askim videregående skole VID vitskapelege høgskule
Barn	Erik Lahnstein
Medlem	Den Norske Nobelkomite
Alle verv	Norsk kulturminister (1997–1999) stortingsrepresentant (1985–1989) fylkesmann i Østfold (2004–2015) stortingsrepresentant (1989–1993) stortingsrepresentant (1993–1997) stortingsrepresentant (1997–2001) partileiar (1991–1999)

Frå 2004 til 2015 var ho fylkesmann i Østfold.^[1] Ho har tidlegare vore leiar i Redningsselskapet.

Enger var ein av dei mest innflytingsrike politikarane på 1990-talet, men ho er nok mest kjend for kampen mot norsk medlemskap i EU fram mot valet i 1994. I denne perioden vart ho av media kalla «Nei-dronninga».

Enger tok artium i 1968 og har utdanning både som sjukepleiar (1972) og sosionom (1975) frå Det norske diakonhjem.