Arild Hermstad

Arild Hermstad (fødd 15. oktober 1966 i Bergen) er ein norsk politikar for Miljøpartiet Dei Grøne (MDG). Sidan den 26. november 2022 har han vore leiar for MDG.^[1]

Arild Hermstad
Fødd	15. oktober 1966 (58 år) Bergen
Statsborgar av	Noreg
Parti	Miljøpartiet Dei Grøne
Yrke	politikar
Utdanna ved	Universitetet i Bergen Norges handelshøyskole
Alle verv	partileiar (2022–)

Liv og virke

Bakgrunn

Hermstad har hovudfag i samfunnsgeografi ved Universitetet i Bergen og to åra studiar økonomi ved Norges handelshøyskole.

Han er busett i Oslo med kone og to born.

Karriere

Hermstad har arbeidd i bank, som brigadekoordinator i Latin-Amerika, med lokalt miljøarbeid i Bergen og i Raftostiftinga. Hermstad var leiar for Framtiden i våre hender frå 2001 til 2017, og styreleiar i Syklistenes Landsforening frå 2013 til 2018.^[2]

I perioden mellom 2018 og 2020 var Hermstad den nasjonale talspersonen til MDG saman med Une Bastholm.^[3] Han vart valt til nestleiar i partiet på landsmøtet den 25. april 2020. Frå 2. januar 2020 til 9. mars 2021 var han vikarierande byråd i Oslo, dels for miljø og samferdsle, dels for byutviking.^[4][5]

Ved stortingsvalet 2017 og stortingsvalet 2021 var han fyrstekandidat i Hordaland for MDG.^[6][7][8]