Arnsberg

Arnsberg er ein by i Tyskland i delstaten Nordrhein-Westfalen med om lag 75 000 innbyggjarar. Byen ligg i kreisen Hochsauerland nordaust for Sauerland i elvedalen til Ruhr.

Arnsberg
by
Våpenskjold
Land	Tyskland
Stat	Nordrhein-Westfalen
Region	Arnsberg
Landkreis	Hochsauerland
Høgd	212 m
Areal	193,72 km²
Folketal	74 206 (31. desember 2023)
Grunnlagd	1000-talet
Postnummer	59755, 59757, 59759, 59821, 59823
Retningsnummer	02931, 02932, 02935, 02937,
Bilnummer	HSK
Arnsberg 51.396666666667°N 8.0644444444444°E / 51.396666666667; 8.0644444444444
Wikimedia Commons: Arnsberg

Historie

Arnsberg vart bygd av grevane av Werl på 1000-talet. Dei bygde ei borg som ein framleis kan sjå restane av, og som vert nytta til folkelege feiringar.

På 1100-talet vart Arnsberg sete for westfalisk domsmakt. Seinare mista byen sjølvstende sitt og høyrte til Köln-området då erkebiskopane regjerte her. Byen vart heilt øydelagd under sjuårskrigen i 1769. I 1816 gjekk Arnsberg til Preussen og vart sete for ein lokal administrasjon.

Under den andre verdskrigen mista mange innbyggjarar livet under britiske bombetokt som hadde ein jernbaneviadukt som mål. Målet vart til slutt øydelagd 19. mars 1945 av ei Grand Slam-bombe.

Utsyn over byen.

Den noverande byen Arnsberg vart oppretta i 1975 ved at 14 byar og kommunar vart slått saman til ein by. Gamle Arnsberg og Neheim-Hüsten er to urbane delar, medan dei andre delane er meir landlege. Neheim og Hüsten vart slått saman i 1941.