Arraba i Galilea
From Wikipedia, the free encyclopedia
Remove ads
Arraba (arabisk عرّابة, hebraisk עַרָבָּה; òg kalla 'Arrabat al-Battuf) er den fjerde største lokalkommunen og den største arabiske lokalkommunen i Israel. Han ligg i Nedre Galilea i Nord-distriktet, nord for Nasaret og nær Sakhnin og Deir Hanna. Arraba har hatt lokalkommunestatus sidan 1965.
Remove ads
Historie
Antikken
Arraba er identifisert som ein jødisk landsby kalla Arab, på gresk kalla Garaba, som er nemnt i Misjná[3] og Jerusalem-Talmud i kapittel 16.[4][5]
På 400- eller 500-talet levde kristne her og bygde ei kyrkje med mosaikkgolv og inskripsjonar.[6][7]
Mellomalderen
I 1250 var han ein av casales (landsbyane) som høyrte til Den tyske riddarordenen, ein krossfararorden.[5][8] På 1200-talet vart Arrabah nemnt av den syriske geografen Yaqut al-Hamawi i Mu'jam al-Buldān (1224–1228), som ein «stad i provinsen Acca».[9][10]
Osmansk tid
Landsbyen vart ein del av Det osmanske riket i 1517 i lag med resten av Palestina.[11]
Zayadina-folket, ei arabisk, muslimsk stamme, skal ha flytta til Arraba ein gong på midten av 1600-talet. Sjeiken deira fekk seinare kontroll over byen og området rundt, i kamp med drusar-sjeiken Sallama. Sallama og andre drusarar i landsbyar i nærleiken vart sidan øydelagd.[12] Arraba vart heimstaden til Dhaher el-Omar, ein seinare sjeik i Zayadina-stamma. I følgje ei lokal segn søkte han tilflukt der etter å ha drepe ein tyrkisk soldat. Han fekk støtte hos den lokale sjeiken, Muhammad Nasser, som hjelpte han å kome til fred med ein nabolandsby, noko som førte til ei rekkje felttog der han erobra heile Galilea. Ein bygning som er sagt å vere heimen til el-Omar står framleis.[13]
Staten Israel
I 1948, under Operasjon Hiram (29-31. oktober) overgav byen seg til den israelske hæren. Mange av innbyggjarane flykta, men dei som vart verande, vart ikkje forviste av dei israelske soldatane.[14] Landsbyen vart verande i unntakstilstand fram til 1966.
Remove ads
Idrett
Fotballaget i byen er Ahva Arraba, som i dag spelar i Liga Leumit, det nest øvste nivået i israelsk fotball.
Sjå òg
- Arabiske stader i Israel
Kjelder
Bakgrunnsstoff
Wikiwand - on
Seamless Wikipedia browsing. On steroids.
Remove ads