Artas i Betlehem

Artas (arabisk أرطاس) er ein palestinsk landsby fire kilometer sørvest for Betlehem i Betlehem guvernement, sentralt på Vestbreidda. I følgje Palestinsk statistisk sentralbyrå hadde byen eit folketal på 3 663 i 2007.^[2]

Artas
أرطاس
kommune
Hortus Conclusus-klosteret i Artas
Namneopphav: Urtas, etternamn[1]
Land	Dei palestinske territoria
Guvernement	Betlehem guvernement
Koordinatar	31°41′21″N 35°11′10″E
Areal	4,3 km²
Folketal	3 663  (2007)
Folketettleik	852 / km²
Artas i Betlehem 31.689166666667°N 35.186111111111°E / 31.689166666667; 35.186111111111
Kart som viser Artas i Betlehem. Kart som viser Artas i Betlehem.
Wikimedia Commons: Artas

Historie

Artas, 1940

Landsbyen vart ein del av Det osmanske riket i 1517 i lag med resten av Palestina, og i 1596 stod han oppført i skattelister som ein del av Quds nahiya i Quds liwa. Han hadde eit folketal på 32 muslimske hushaldningar.^[3]

Fram til 1800-talet, hadde innbyggjarane i Artas ansvar for Salomodammane, ei tunikt vassystem som gav vatn til Betlehem og Herodium og Tempelhøgda eller Haram al-Sharif i Jerusalem.^[4]

Den franske oppdagaren Victor Guérin vitja området i juli 1863,^[5] og han estimerte at landsbyen hadde kring 300 innbyggjarar. Mange av husa i landsbyen var bygde av gamle byggemateriale.^[6]

I 1883 skildra Palestine Exploration Fund landsbyen i Survey of Western Palestine som «ein liten landsby høgt oppe i ei li, med gode kjelder bak.»^[7]

Det britiske mandatet

I folketeljinga i 1922, utført av Dei britiske mandatstyresmaktene, hadde Urtas eit folketal på 433, dei fleste muslimar, medan 44 var kristne.^[8] I folketeljinga i 1931 var folketalet i Artas 619 i 123 busette hus.^[9]

I 1945 auka folketalet i Artas til 800, alle arabarar, som eigde 4 304 dekar land i følgje ei offisiell landmåling.^[10] Av dette var 894 dekar var plantasjar og irrigert land, 644 for korn,^[11] medan 54 dekar vart utbygd (urbant) land.^[12]