Ash-Shuyukh

Ash-Shuyukh eller al-Shuyukh (arabisk الشيوخ) er ein palestinsk by i Hebron guvernement som ligg 6 km nordaust for byen Hebron. I følgje Palestinsk statistisk sentralbyrå hadde Ash-Shuyukh eit folketal på over 8 811 i 2007.^[2]

Ash-Shuyukh
الشيوخ, Al-Shuyukh
kommune
Namneopphav: Sjeikane[1]
Land	Dei palestinske territoria
Guvernement	Hebron guvernement
Koordinatar	31°34′41.22″N 35°08′59.73″E
Areal	22,1 km²
Folketal	8 811  (2007)
Folketettleik	399 / km²
Ash-Shuyukh 31.578116666667°N 35.149925°E / 31.578116666667; 35.149925
Kart som viser Ash-Shuyukh. Kart som viser Ash-Shuyukh.
Wikimedia Commons: Ash-Shuyukh

Som resten av Hebron-området, er ash-Shuyukh eit jordbruksområde. Det vert hovudsakleg dyrka oliven, fiken, mandlar, linser, fersken og aprikos.^[3]

Historie

Osmansk tid

Den franske oppdagaren Victor Guérin vitja staden i 1863, seint i osmansk tid. Han skreiv at landsbyen låg på ei høg klippe. Han hadde 200 innbyggjarar og ein liten moské tileigna "Cheikh Ibrahim el-Hedmi.»^[4]

I 1883 skildra Palestine Exploration Fund i Survey of Western Palestine han som «ein velbygd landsby i høgt lende, og synleg frå Tekua. Det står nokre få tre rundt, og grotter. Vassforsyninga kjem frå cisterner, og det ligg ei kjelde i nord.»^[5]

Det britiske mandatet

I folketeljinga i 1922 hadde 'Al Shiukh eit folketal på 792, alle muslimar^[6] Dette hadde auka under folketeljinga i 1931 til 925 muslimar, i 180 hus.^[7]

I 1945 var folketalet i Ash-Shuyukh 1 240 arabarar, som eigde 22 091 mål land i følgje ei offisiell landmåling.^[8] 1 713 mål var plantasjar og irrigert land, 3 365 for korn,^[9] medan 24 mål var utbygd (urbant) land.^[10]