Asparges

Asparges (Asparagus officinalis) er ein planteart i aspargesfamilien.^[1][2] Han er ein urteaktig fleirårig plante i aspargesslekta. Dei nye skota om våren blir brukt som grønsak.

Aspargesskot.

Asparges
Asparges
Status
Status i verda: Livskraftig Status i Noreg: Framandart med låg risiko
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Aspargesordenen Asparagales
Familie:	Aspargesfamilien Asparagaceae
Underfamilie:	Asparagoideae
Slekt:	Aspargesslekta Asparagus
Art:	Asparges A. officinalis
Vitskapleg namn
Asparagus officinalis L., 1753

Aspargesplanten veks naturleg i det meste av Europa, nordlege Afrika og vestlege Asia.^[3][4][5] I Noreg er asparges ein framandart som vart innført som matplante i alle fall frå 1600-talet. Han vart først funnen i norsk natur midt på 1800-talet. Asparges er no nokså vanleg langs kysten frå Østfold til Kristiansand og er der fullt naturalisert. Han finst ellers vidare langs kysten spreidd til Nord-Trøndelag og svært spreidde stader i innlandet austafjells.^[1] Arten var ikkje risikovurdert i Framandartslista 2018, men i 2023 er han vurdert med potensielt høg risiko (PH).^[6]

Sjå òg

• Aspargesert
• Aspargesbønne