Audacity

Audacity er eit lydredigeringsprogram. Det er fri programvare og er tilgjengeleg under GNU General Public License.

Skapar	Roger B. Dannenberg, Dominic Mazzoni
Utviklar	Muse Group
Utgjeve	mai 2000[1]
Nyaste versjon	3.7.4 (10. juni 2025)[2]
Operativsystem	Linux, macOS, Unix-variant, Microsoft Windows, ReactOS
Skriven i	C++, C
Sjanger	Audioteknologi
Type	Lydavspelar, Musikkarbeidsstasjon, datakonvertering, capturing, datavask, innspilling
Lisens	GPLv3
Nettstad	https://www.audacityteam.org

Programmet fylgjer med ei rekkje store GNU/Linux-distribusjonar, og er omsett til ei mengde språk, mellom anna norsk. Det finst både til Mac OS X, Microsoft Windows, GNU/Linux og andre operativsystem.

Funksjonalitet

Audacity har støtte for lydopptak, analyse, redigering og avspeling av digitalt audiomateriale. Det er støtte for import/eksport i fleire filformat: Ogg Vorbis, WAV, AIFF og AU, import/eksport av MP2 og MP3 via libmad, eksport av MP3 via LAME, pluss alle format støtta av sndfilebiblioteket. Editoren har zoom, redigeringsfunksjonalitet som markering, klipp og lim, angre, reversering, invertering, tonekontroll (equaliser), samplelratekonvertering, dither, støyfiltrering, effektprosessering som ekko, komprimering, osb.

Det er støtte for plugin: LADSPA (Linux) og VST (Mac OS X og Windows).