Aurelianus av Romarriket

Lucius Domitius Aurelianus (9. september 214–275), kjend som Aurelian eller Aurelianus, var romersk keisar frå 270 til han blei drepen i september eller oktober 275.

Aurelianus av Romarriket
Romersk keisar
Periode	270-275
Fødd	9. september 214
Fødestad	Sirmium
Død	25. september 275
Dødsstad	Çorlu
Far	Ulpius Crinitus
Ektefelle	Ulpia Severina
Barn	Domitica
Føregangar	Quintillus
Etterfølgjar	Marcus Claudius Tacitus

Aurelianus var fødd nær Sirmium i Moesia, noverande Sremska Mitrovica i Serbia. Han gjekk gradene som soldat i romarhæren og blei utropt til keisar av troppane i Sirmium.

I eit rike truga av «barbarar» og naborike organiserte han effektivt forsvar og slo alemannarar, gotarar og markomannarar før han erobra Palmyra under Zenobia. Han reiste aurelianmuren til vern av Roma; delar av denne står framleis.

Keisaren innførte Sol Invictus som ein viktig gud på linje med dei andre romerske hovudgudane. Han fekk reist eit strålande tempel til guden som han dekorerte med skattar tekne frå toktet i Palmyra.

Aurelianus blei drepen av pretorianargarden, som skal ha frykta ugrunna straff, ved Caenophrurium, undervegs på eit felttog mot Persia.

Kjelder

• «Lucius Domitius Aurelianus» i Store norske leksikon, snl.no.
• Denne artikkelen bygger på «Aurelianus» frå Wikipedia på svensk, den 30. august 2011.