Avarar

Avararane eller pannoniske avarar (også kjende som obri i gammalrussiske kjelder^[2]; abaroi eller varchonitai^[3] eller pseudo-avarar^[4] i bysantinske kjelder) var ei gruppe eurasiske nomadar av ukjent opphav^[5][6][7] i tidlegmellomalderen.^[8]

For den moderne folkegruppa, sjå kaukasiske avarar.

Avariske gullmyntar frå 500-600-talet som etterliknar myntane til keisar Herakleios prega i Ravenna.^[1]

Desse avararane vandra inn i Europa på 500-talet, under folkevandringane. Dei fekk eit rike aust for Donau i perioden 555 til byrjinga av 800-talet i det som er Ungarn og Romania i dag. Det blei kalla for det avariske khaganatet, og strekte seg over den pannoniske sletta.^[9]