Ayn al-Tineh

Ayn al-Tineh (arabisk عين التينة eller Ain al-Tineh) er ein by nordvest i Syria som administrativt høyrer til Latakia guvernement, aust for Latakia. Av stader i nærleiken finn ein distriktssenter al-Haffah i nordvest, Slinfah i nordaust, Farikah og Nabl al-Khatib i aust, Shathah i søraust, Muzayraa i sør og al-Shir i vest. I følgje Syrisk statistisk sentralbyrå (CBS), hadde Ayn al-Tineh eit folketal 1 333 i 2004. Han er det administrative senteret i Ayn al-Tineh nahiyah («underdistrikt») som inneheld 13 stader med eit samla folketal på 6 825.^[1] Innbyggjarane er hovudsakleg alawittar.^[2]

Ayn al-Tineh
عين التينة
by
Land	Syria
Guvernement	Latakia guvernement
Distrikt	Al-Haffah-distriktet
Nahiyah	Ayn al-Tineh
Koordinatar	35°33′50″N 36°6′0″E
Høgd	800 m
Folketal	1 333  (2004)
Tidssone	EET (UTC+2)
Ayn al-Tineh 35.56388889°N 36.1°E / 35.56388889; 36.1
Kart som viser Ayn al-Tineh. Kart som viser Ayn al-Tineh.

Byben ligg på ein kalksteinsutstikkar nord i an-Nusayriyah-fjella,^[3] 800 meter over havet.^[4] Han ligg mellom al-Haffah og Muzayraa, og Ayn al-Tineh er skild frå dei to byane av wadiar.^[3] «Ayn al-Tineh» er òg namnet på ei kjelde som flyt under den nærliggande Salah Ed-Din-borga.^[5]

Ayn al-Tineh var historisk sett eit len som høyrte til Kheirbek-klanen, ein viktig familien i dei syriske tryggingsstyrkane og ein del av Kalbiyya-føderasjonen.^[3] I følgje den franske forskaren Fabrice Balanche er Ayn al-Tineh ein av fleire landsbyar i kystfjella, som al-Tawahin, som er avhengig av den syriske hæren og staten. Fattigdomen i landsbyen er ein motivasjonsfaktor for at det er så mange tilsett i tryggingsstyrkane og dei vert støtta av den herskande Assad-familien. Dette står i kontrast til andre fattige alawittar landsbyar i regionen som ofte har vore i strid med prominente alawittarfamiliar og ikkje fått dei same fordelane frå staten som Ayn al-Tineh har fått.^[6]

Under styret til Hafez al-Assad i 1980-åra og 1990-åra, ein hussainia (sjiamuslimsk moské) grunnlagd i Ayn al-Tineh. Han var den minste som vart bygd av al-Murtada-rørsla, og målte 40 kvadratmeter. Under Hafez-styret fungerte hussainias hovudsakleg som møte for den lokale opposisjonen, men dette endra seg når forholdet mellom det sjia-dominerte Iran og Syria auka dramatisk då den noverande presidenten Bashar al-Assad kom til makta.^[7]