Aztekarar

Aztekarar er ei moderne nemning på det mesoamerikansk nahuatltalande folket frå sentrale Mexico som herska i Aztekarriket frå 1200- til 1500-talet.

Mytologisk framstilling av grunnlegginga av Tenochtitlan.

På nahuatl tyder ordet aztecatl (fleirtal aztecah) «ein som kjem frå Aztlán», ein viktig stad i aztekisk mytologi. Aztekarane refererte òg til seg sjølv som mehikaane, meshikaane eller mexicaane, opphavet til namnet «Mexico». Alexander von Humboldt var han som føreslo å bruke namnet aztekar som eit felles uttrykk dekkande for alle folkeslaga som ved handel, skikkar, religion og språk var forbunde med meksikanarane.