Nahuatl

Nahuatl, aztekisk, er eit uto-aztekisk språk som vert snakka av om lag 1,5 millionar menneske i dei sentrale delar av Mexico. Det er det mest utbreidde språket i Mexico etter spansk, og er rekna som «nasjonalspråk» med same «verdi» som spansk og dei andre urfolksspråka i landet i den meksikanske loven om språklege rettar.^[2]

Nahuatl Nawatl, mexicano, nawatlahtolli
Klassifisering	Uto-aztekisk  Aztekisk   Nahuatl
Bruk
Tala i	Mexico
Nahuatltalande i alt	Ca. 1,54 millionar (2010)[1]
Offisiell status
Offisielt språk i	Nasjonalspråk i Mexico[2]
Normert av	Instituto Nacional de Lenguas Indígenas (INALI)
Språkkodar
ISO 639-2	nah
ISO 639-3	nah
Utbreiinga av nahuatl. i Mexico. Raudt viser byar der språket er det mest utbreidde. Grønt viser kvar nahuatl blei tala like før europearane kom til Amerika.
Wikipedia på nahuatl

Utbreiinga av nahuatl i Mexico. Tala står for kor mange nahuatlbrukarar det er i kvar delstat (estados).

Ein variant av språket blei tala av dei gamle aztekarane. I norsk har mellom anna lånorda «kakao» og «sjokolade» (cacahuatl, chocolatl), «avokado» (ahuacatl) og «tomat» (tomatl) blitt tatt opp frå nahuatl.