B.J. Wilson

Barrie James «B.J.» Wilson (18. mars 1947–8. oktober 1990) var ein engelsk trommeslagar som mellom anna spelte i Procol Harum.

B.J. Wilson
Fødd	18. mars 1947
Fødestad	Edmonton i London i England
Død	8. oktober 1990 (43 år)
Dødsstad	Eugene i Oregon i USA
Fødenamn	Barrie James Wilson
Opphav	Storbritannia
Aktiv	1960-åra–1990
Instrument	trommesett
Tilknytte artistar	Procol Harum, The Paramounts
Verka som	Trommeslagar

Wilson er mest kjend som trommeslagar for Procol Harum, men han spelte ikkje på den første hitten deira, «A Whiter Shade of Pale», men kom inn i gruppa kort tid etter. Sjølv om han ikkje er like kjend som andre store trommeslagarar i sin generasjon, vert han ofte trekt fram som ein av dei største i rockemusikken, og vart stemd fram som den beste trommeslagaren i dei populære musikkundersøkingane til Playboy tidleg i 1970-åra. Han avslo eit tilbod frå Jimmy Page og Robert Plant om å verte den første trommeslagaren i Led Zeppelin.

Etter Procol Harum vart oppløyst i 1977 spelte Wilson i lag med Frankie Miller og Joe Cocker. Han spelte òg trommer på Cocker-hitten «With a Little Help from My Friends» frå 1968. Andre artistar Wilson har spelt med er AC/DC og han spelte trommer på filmmusikkalbumet til The Rocky Horror Picture Show^[1].